Həmidoğlu A.
Yasamal rayonu ümumtəhsil
məktəbləri şagirdlərinin vətənpərvərlik
mövzusunda rəsm müsabiqəsi keçirilmişdir. Tədbirin
təşkilatçısı rayon Gənclər və İdman İdarəsi idi.
Müsabiqəni açan idarənin rəisi İlham Səfərov bildirdi
ki, bu, Azərbaycan Gəncliyi Dövlət Proqramı
çərçivəsində həyata keçirilən
tədbirlərdən biridir. O, müsabiqəyə 60-a yaxın işin
təqdim olunduğunu qeyd etdi və iştirakçılara uğurlar arzuladı.
Rəssamlar İttifaqının üzvləri Ə.Əsgərov,
İ.Əkbərov və N.Dadaşovdan ibarət münsiflər heyəti
qalibləri müəyyən etdi. Birinci yerə 158 saylı
məktəbin 8-ci sinif şagirdi Nərgiz Zeynalova layiq görüldü.
Sonda ilk on yeri tutan şagirdlərə müvafiq diplomlar və
xatirə hədiyyələri təqdim olundu.
Xalq qəzeti.- 2006.- 28 noyabr.- S.7.