Samirə

Rəssamlar İttifaqının yubiley tədbirləri

Dekabrın 13-də Azərbaycan Rəssamlar İttifaqının (Rİ) yaradılmasının 65 illiyi tamam olur. Bu əlamətdar hadisə münasibət ilə Rİ tədbirlər planı hazırlayıb. Yubiley günü mətbuat konfransı, Səttar Bəhlulzadə adına Rəsm Qalereyasında Azərbaycanın müasir incəsənəti barədə təsəvvür yaradan sərgi keçiriləcək. Dekabrın 14-də Tofiq İsmayılov adına Uşaq Yaradıcılığı Sarayında və Muzey Mərkəzində yaradıcı gənclərin işlərindən təşkil olunmuş sərgilərin açılışı olacaq. Dekabrın 15-də Rüstəm Mustafayev adına İncəsənət Muzeyində "Retro" adı altında birləşən Azərbaycan təsviri sənətinin korifeylərinin əsərlərindən ibarət sərgi tamaşaçılara təqdim olunacaq. Sərginin təşkilatçılar rəsm əsərlərinin seçimində muzeyin kolleksiyasından faydalanıblar.

Yubiley tədbirləri dekabrm 18-də məşhur Azərbaycan miniatür ustası Sultan Məhəmməd adına sərgimüsabiqənin keçirilməsi ilə başa çatacaq. Sərgi-müsabiqə Vəcihə Səmədova adına sərgi salonunda düzənlənəcək. Bu müsabiqə iki ildən bir keçirilir. Rəssamların iştirakına məhdudiyyət qoyulmayıb. Onların əsərləri nominasiya üzrə qiymətləndirilir. Rəssamlar öz işlərini təsviri sənət, heykəl-təraşlıq, qrafika və digər janrlar üzrə nümayişləyirlər. Həmin gün həmçinin müsabiqənin qaliblərinin mükafatlandırılması, respublikanın ən yaxşı rəssamlarına Azərbaycan təsviri sənətinin inkişafındakı xidmətlərinə görə xüsusi medalların təqdim edilməsi də gözlənilir.

Həftə içi.- 2006.- 25-27 noyabr.- S. 8.