Rüstəm Z.

Fikrət Əmirovun xatirə lövhəsi açılıb

Dövlət başçısı İlham Əliyevin müvafiq sərəncamı ilə tanınmış bəstəkar Fikrət Əmirovun Tərlan Əliyarbəyov küçəsi, 2 ünvanında, vaxtilə yaşadığı binanın üzərində xatirə lövhəsinin açıhş mərasimi keçirilib.

Tədbirdə çıxış edən Mədəniyyət və Turizm naziri Əbülfəs Qarayev bəstəkarın Azərbaycan musiqisini dünyaya tanıtdırdığını deyib: "Fikrət Əmirov kimi bəstəkarın barelyefinin açılışında iştirak etmək mənim üçün böyük fəxrdir. Onun musiqisi bütün dünyaya yayılıb və bu gün də hər bir insanın qəlbində yaşayır. Dünyanın ən tanınmış musiqişünasları Fikrət Əmirov musiqisinə pərəstiş edirlər. O, ancaq bəstəkarhğı ilə deyil, eyni zamanda insanlığı ilə də hər bir insanın ürəyinə yol tapmışdı".

Nazir bildirib ki, barelyef bəstəkarın ad günü münasibəti ilə hazırlanıb. Bakı Musiqi Akademiyasının rektoru, professor Fərhad Bədəlbəyli də F.Əmirov kimi bəstəkara hər zaman ehtiyac duyulduğunu vurğulayıb:

"Fikrət Əmirov musiqisi hər bir insanı ayağa qaldıracaq qədər güclüdür. Bu musiqi öz gücünü bu gün də yaşaması ilə təsdiq edib. Çox sevinirəm ki, bu cür dahi bəstəkarlarla ünsiyyətdə olmuşam".

Azərbaycan Bəstəkarlar İttifaqının katibi Ramiz Zöhrabov da Fikrət Əmirov musiqisinin vurğunu olduğunu söyləyib. Bəstəkarın oğlu Cəmil Əmirov və qızı Afət Xəlilova barelyefın hazırlanmasına görə təşəkkürlərini bildiriblər. Qeyd edək ki, xatirə lövhəsinin müəllifi heykəltəraş, akademik Ömər Eldarovdur.

Ayna.-2006.- 24 noyabr.- S. 8.