Bakı Slavyan
Universitetində Polşa Mədəniyyət Mərkəzinin açılışı
Polşa Senatının sədri Boqdan Boruseviç və onu müşayiət edən şəxslər noyabrın 9-da Bakı Slavyan Universitetində olmuş və Polşa
Mədəniyyət Mərkəzinin
açılışında iştirak etmişlər.
Polşa Senatının sədri Boqdan Boruseviç və BSU-nun rektoru,
professor Kamal Abdullayev mərkəzin açılışını bildirən lenti kəsdilər. Mərasim
iştirakçıları mərkəzdəki
eksponatlarla
Sonra qonaqlar ali məktəbin
professor-müəllim heyəti
və tələbələri
ilə görüşdülər.
Rektor Kamal Abdullayev Polşa Mədəniyyət Mərkəzinin
açılış mərasimində
iştirak edənləri kollektivin adından salamladı, universitetin fəaliyyəti barədə
məlumat verdi,
onun Azərbaycan ilə slavyan dövlətləri, o cümlədən
Polşa arasında əlaqələrin dərinləşməsində
rolunu vurğuladı. Bildirdi ki, BSU-da digər
slavyan dilləri ilə yanaşı, polyak dili və
ədəbiyyatı üzrə
də mütəxəssislər
hazırlanır. Universitetdə
Moskva, Ukrayna, Moldova, Yunanıstan, Türkiyə, Bolqarıstan mədəniyyət
mərkəzlərinin fəaliyyət
göstərdiyini xatırladan
rektor Polşa Mədəniyyət Mərkəzinin
açılmasında səfir Kşiştof Krayevskinin xidmətini xüsusi vurğuladı.
Təməli hələ XV əsrdə
qoyulmuş və Polşa ziyalılarının ilk nümayəndələrinin Qafqaza
və Azərbaycana gəlişi ilə XIX əsrdə daha da inkişaf etmiş
Azərbaycan–Polşa əlaqələri haqqında
məlumatlar da maraqla dinlənildi.
Rektor Polşanın ali məktəbləri
ilə əlaqələrdən
də danışaraq dedi ki, bir
neçə tələbəmiz
Polşanın nüfuzlu təhsil ocaqlarını bitirib və hazırda BSU-da müəllim işləyir.
Polşa Senatının sədri Boqdan Boruseviç bildirdi ki, Polşa
ilə Azərbaycan arasında inkişaf edən əlaqələrdən
xəbər verən Polşa Mədəniyyət Mərkəzinin açılışında iştirak etməkdən məmnundur. O vurğuladı
ki, BSU-da polyak dili və
ədəbiyyatını öyrənən
tələbələr təhsillərini
Polşada davam etdirə bilərlər.
BSU tələbələrinin
polyak dilində hazırladıqları ədəbi-bədii
proqram maraqla qarşılandı.
Polşa Mədəniyyət Mərkəzinin
açılışında Milli Məclis sədrinin birinci müavini Ziyafət Əsgərov və digər rəsmi şəxslər iştirak edirdilər.