Tofiq Quliyevin barelyefinin açılış mərasimi keçirilib

Xalq artisti, tanınmış bəstəkar Tofiq Quliyevin yaşadığı evin önündə - Hüsü Hacıyev, 23 ünvanında bəstəkarın xatirə lövhəsinin açılış mərasimi keçirilib. Barelyefin müəllifi tanınmış heykəltəraş Ömər Eldarovdur. APA-nın məlumatına görə, tədbirdə çıxış edən Mədəniyyət və Turizm nazirinin müavini Ədalət Vəliyev bəstəkarın heç zaman unudulmayacağını və yaratdığı musiqilərlə hər bir insanın qəlbində daim yaşayacağını deyib: "Millətimiz, xalqımız yaşayacağı qədər Tofiq Quliyev də yaşayacaq. Onun musiqiləri artıq bəşəri əhəmiyyət kəsb edir".

Tədbirdə çıxış edən Azərbaycan Bəstəkarlar İttifaqının katibi, xalq artisti Ramiz Zöhrabov Tofiq Quliyevi estrada və caz musiqisinin banisi olduğunu deyib. Onun sözlərinə görə, bəstəkar bir sıra kinofilmlərə musiqi bəstələyib. "Onun ilk mahnısı Mirzə Ələkbər Sabirin sözlərinə yazılıb. O, həyatının sonuna qədər 200-dən artıq mahnı yaradıb. Bu gün Tofiq Quliyev kimi bəstəkara çox böyük ehtiyac var. Əminəm ki, illərin ötməsindən asılı oJmayaraq, onun musiqiləri hər birimizin qəlbini fəth edəcək". Bəstəkar Siyavuş Kərimi qeyd edib ki, gələn il görkəmli bəstəkarın 90 illik yubileyidir və bununla bağlı dövlət səviyyəsində tədbirlər keçiriləcək. Bəstəkar Arif Məlikov da gənc bəstəkarlara Tofıq Quliyev kimi olmalarını arzulayıb: "Əsil bəstəkarın mahnıları sayına görə deyil, keyfıyyətinə görə seçilməlidir. Onun mahnıları insanların ürəyinə çox yaxındır". Xalq artisti Rasim Balayev Tofıq Quliyevin Azərbaycan mədəniyyətinə töhfə olduğunu qeyd edib. O bildirib ki, Tofiq Quliyev musiqisini sevən pis insan ola bilməz. Tədbirin sonunda Tofıq Qııliyevin oğlu kinorejissor Eldar Quliyev hər bir kəsə təşəkkürünü bildirib. Tədbir iştirakçıları Tofiq Quliyevin ad günü münasibəti ilə onun məzarını da ziyarət ediblər.

Xalq cəbhəsi.- 2006.- 8 noyabr.- S. 13.