Ayxan

 

"Təhminə Zaur -2"

 

ZüIfiyyə Xanbabayeva yeni klipini belə adlanırır

 

Əməkdar artist Zülfiyyə Xanbabayeva uzun müddət gizlətdiyi klipini təqdim etməyə hazırlaşır. Sənətçinin kino lenti ilə çəkilən klipi Vüqar Camalzadənin indiyədək səslənməyən bəstəsinə çəkilib. Klipi kinorejissor Ramiz Fətəliyev çəkib.

Zülfiyyə əvvəlki klipləri kimi, yeni ekran işinin onluqlarda rekord vuracağına əmindir: "Ramiz müəllim mənim gözlədiyimdən gözəl bir ekran işi ərsəyə gətirib. Bu klipi qısa-metrajlı film adlandırmaq daha düzgün olardı, Fəxrəddin Manafov kimi bir sənətkarla eyni filmdə çəkilmək mənim üçün sevindirici olduğu qədər məsuliyyətli idi. Artıq çəkilişlər başa çatıb sonrakı proseslər tamamlanmaq üzrədir".

Klipin süjeti barədə danışmaq istəməyən sənətçi, sadəcə, bu klipdə faciəvi qadın obrazını yaratdığmı deyir: "Bu klipi mən "Təhminə Zaur -2" adlandırardım. Çox maraqlı . təsirli slüjeti var".

Qeyd edək ki, klipin noyabrın sonunda ekranlara çıxacağı planlaşdırılır.

Hazırda yeni mahnılar üzərində işləyən Z.Xanbabyeva onlardan birinə xaricdə klip çəkdirəcək.

 

Ekspress.- 2006.- 24 noyabr.- S. 16.