"Xalq aşığı" günü qeyd edilmişdir

Gədəbəy rayonunda ulu öndər Heydər Əliyevin təşəbbüsü ilə "Xalq aşığı" ansamblı adı verilməsinin 25 illiyinə və Gədəbəy aşıqlar ansamblının yaradılmasının 40 illiyinə həsr olunmuş bayram tədbiri keçirilmişdir.
Xalq şairi İlyas Tapdıq Gədəbəy aşıqlarına ümummilli lider Heydər Əliyev tərəfindən verilən yüksək adı bir daha tədbir iştirakçılarının diqqətinə çatdıraraq onları bu şərəfli ad və bayram münasibətilə təbrik etdi.
Sonra rayon icra hakimiyyətinin başçısı K.Rzazadə, rayon mədəniyyət və turizm şöbəsinin müdiri F.Məmmədova, Milli Elmlər Akademiyası Folklor İnstitutunun aşıq yaradıcılığı şöbəsinin müdiri, filologiya elmləri namizədi E.Məmmədli Azərbaycanda, o cümlədən Gədəbəydə dövlət səviyyəsində aşıq sənətinə göstərilən diqqət və qayğıdan danışdılar. Qonşu rayonlardan gəlmiş şair-aşıqların ifa etdikləri şeirlər, saz havaları iştirakçılar tərəfindən rəğbətlə qarşılandı.
Tədbirin sonunda aşıqlara rayon icra hakimiyyəti adından fəxri fərmanlar və qiymətli hədiyyələr təqdim olundu.

Azərbaycan.-2006.-15 noyabr.-S.8.