Azərbaycanda İsrail filmləri həftəsi başlayıb

Azərbaycan Dövlət Dillər Universitetində Azərbaycanda İsrail filmləri həftəsinin açılışı keçirilib.

APA-nın məlumatına görə, mərasimdə çıxış edən İsrailin Azərbaycandakı səfiri Artur Lenk bildirib ki, noyabrın 29-na kimi keçiriləcək İsrail filmləri həftəsi çərçivəsində Bakı, Sumqayıt, Lənkəran və Qubada 15 film göstəriləcək. Açılışdan sonra "Suriyalı gəlin" filmi və Azər Qəribovun İsraildə "Oralar" proqramı çərçivəsində çəkdiyi 5 filmindən biri nümayiş etdirilib. Tədbirə İsrail parlamentinin vitse-spikeri Amnon Koen və deputat Sofa Landver də qatılıblar. Dillər Universitetinin rektoru, millət vəkili Səməd Seyidov ali məktəb və İsrail arasında əlaqələrin geniş tarixi olduğunu bildirib. O, hazırda universitetdə ivrit dili və Yəhudi Mədəniyyət Mərkəzinin fəaliyyət göstərdiyini, təhsil ocağının 9 tələbəsinin ivrit dlini öyrəndiyini deyib.

Hüriyyət.- 2006-23-26 noyabr.- S.15.