Humay

Türk yazarlarının əsərlərini oxumaq imkanı artacaq

Türkiyənin məşhur şairlərindən olan Atilla İlhanın vəfatından bir il ötdü. Onu Türkiyənin ölkəmizdəki səfirliyinin Mədəniyyət və Tanıtım müşavirliyi qələm əhli ilə birlikdə dünən M.F.Axundov adına Milli Kitabxanada yad çtdi. Məlum oldu ki, bundan sonra belə tədbirlər silsilə xarakter daşıyacaq. Tədbirdə çıxış edən Milli Kitabxananın müdiri Kərim Tahirov öncə bütün Türkiyə vətəndaşlarını Cümhuriyyətin 83 illiyi münasibətilə təbrik etdi. Bildirdi ki, vaxitlə M.K.Atatürkün qurduğu bu Cümhuriyyət indi Avropa Birliyinin astanasındadır. Daha sonra Türkiyənin şair və yazıçılarından danışan K.Tahirov təəssüflə dedi ki, 70 il Türkiyədən gətirilən kitablar qaranlıq otaqlarda saxlanılırdr. "Onları oxumağa imkan verilmirdi. Biz yalmz Nazim Hikməti tanıyırdıq. Amma bu gün türkiyəli şairlərin əksəriyyətini tanıyırıq. Atilla İlhan da onlardan biridir. O, mübariz şair idi. Heç kəsin deyə bilmədiklərini Atilla İlhan ictimaiyyət arasında çəkinmədən söyləyirdi. Ona görə də onu sevməyənlərin sayı daha çox idi".

Kitabxana müdirinin dediklərindən belə məlum oldu ki, Axundov adına Milli Kitabxanadan Türkiyə Milli Kitabxanasına vermək üçün 700 kitab ayrılıb. Yaxın gələcəkdə kitabxana rəhbərliyi Türkiyəyə yola düşəcək və hər iki kitabxana rəhbərlikləri arasında qarşılıqlı əməkdaşlıq haqqında saziş imzalanacaq: "Bu da o deməkdir ki, azərbaycanlı oxucular kitabxanamızın elektron imkanlarından istifadə edərək istədikləri türk yazarının əsərlərini oxumaq imkanı əldə edəcəklər. Biz bu cür tədbirləri bundan sonra da davam etdirməyi düşünürük. Çünki bu, bizim qarşılıqlı mədəniyyətimizin inkişafına xidmət edir".

Türkiyənin öikəmizdəki səfirliyinin Mədəniyyət və Tanıtım müşaviri, doktor Fəthi Gədikli yazarların həyatını bilməyin də önəmli olduğunu bildirdi və Atilla İlhanın həyatı ilə iştirakçıları tanış etdi: "Türkiyənin məşhur yazıçılarından olan Nedret Çatay Atilla İlhan haqqında belə bir fikir söyləyib: "İnsan olmanın bütün komplekslərinə qalib gəlmiş, günü dipdiri yaxalayan, həyatın mənasını çözmüş bir insanın bir yol göstərici". İlhanı dar qəliblər çərçivəsində dəyərləndirmək olduqca çətindir. O, özünü ifadə etmək üçün bir yolla kifayətlənməyib, şeirlə başladığı həyatını sonralar roman, esse və köşə yazıları yazmaqla zənginləşdirib. Yazıçıların əksəriyyətinin müdaxilə etmək istəmədiyi sahələrdə qorxmadan yazılar yazan Atilla İlhan yaradıcılığı cəmiyyətə və dövrümüzə ayna tutmaqda, zamanın şahidliyini etməkdədir".

Azərbaycan ziyalılarından Tofiq Abdin əvvəlcə A.İlhanın bir şeirini səsləndirdi, sonra da onunla olan xatirələrindən danışdı: "Atilla İlhanın böyüklüyü onun sadəliyindədir. O, mənim üçün milli şairdir. Bu gün İlhanın burada anılması sevindirici haldır". Tədbirin sonunda Bakı Slavyan Universiteti Türkiyəşünaslıq fakültəsinin I kurs tələbələri və bir neçə aktyor tərəfindən A.İlhanın şeirləri səsləndirildi və əsərlərinin bir qismi (10 ad-da kitab) müşavirlik tərəfindən Milli Kitabxanaya hədiyyə edildi.

Xalq cəbhəsi.- 2006.- 1 noyabr.- S. 13.