Rəna

Azərbaycan kitabı Almaniyada nümayiş olunub

MEA-nın Mərkəzi Elmi Kitabxanasının direktoru Aybəniz Əliyeva-Kəngərli Frankfurtda Azərbaycan nəşrlərinə xüsusi maraq göstərildiyini deyir

Bu günlərdə Frankfurtda növbətı beynəlxalq kitab sərgisi təşkil edilib və Azərbaycan kitabı ilk dəfə həmin sərgidə nümayiş olunub. Sərgi iştirakçılarından Milli Elmlər Akademiyasının Mərkəzi Elmi Kitabxanasının direktoru, fılologiya elmləri namizədi Aybəniz Əliyeva-Kəngərli altı əsrlik bir tarixə malik bu mötəbər tədbirdə Azərbaycanın da təmsil olunmasının diqqətəlayiq hadisə kimi dəyərləndirir: "Sərgidən təxminən bir ay öncə Milli Elmlər Akademiyasına Xarici İşlər Nazirliyindən bildirdilər ki, bu il ilk dəfə olaraq Frankfurtda Azərbaycan kitabı nümayiş olunacaq və rəhbərlik tərəfindən həmin sərgidə Azərbaycan stendinin qurulması, kitablarla təmin olunması, müvafiq ədəbiyyatın seçilərək sərgi iştirakçılarına paylanması Mərkəzi Elmi Kitabxanaya tapşırıldı. Həmin bir ay ərzində biz Azərbaycanın tarixini, ədəbiyyatını, mədəniyyətinı, musiqisini, iqtisadiyyatını, Dağlıq Qarabağ həqiqətlərini, erməni vandalizmini və terrorizmini, beynəlxalq münasibətlərimizi və s. özündə əks etdirən yüksək poliqrafik üslubda, müasir tərtibatda nəşr olunmuş 220 adda ədəbiyyat seçdik və Frankfurtda keçirilən sayca 58-ci beynəlxalq kitab sərgisinə yollandıq".

A.Əliyeva-Kəngərlinin sözlərinə görə, Frankfurt beynəlxalq kitab sərgisi Almaniya Naşirlər və Kitab ticarətçiləri Assosiasiyasının həyata keçirdiyi həm təşkilati, həm də elmi-mədəni nöqteyi nəzərdən çox yüksək səviyyəli tədbirdir. Hər il oktyabr ayında dünyanın müxtəlif yerlərindən yüz minlərlə insan bu sərgidə iştirak etməyə can atır. Sərgiyə eksponent kimi düşmək isə olduqca çətindir. Bunun üçün bir-neçə ay əvvəldən akkreditə olmaq, sərginin keçirildiyi qələməbənzər, 156 metrlik Messeturm adlı binada pavilyon almaq, pavilyonun yerini müəyyənləşdirmək lazımdır: "Bir məlumatı da diqqətə çatdırmaq istərdim ki, okyabr ayında Frankfurtda beynəlxalq sərgi ilə əlaqədar bütün qiymətlər 6-7 dəfə qaldırılır. Bütün bu işləri yerinə yetirdiklərinə, xərcləri öz üzərlərinə götürdüklərinə görə mən AMEA-nın prezidenti akademik Mahmud Kərimova, Azərbaycanın Almaniyadakı Pərviz Şahbazova dərin təşəkkürümü bildirirəm. Həmçinin sərgi zamanı bizə dəstək olmuş Dünya Azərbaycanlıları Konqqesinin Frankfurt nümayəndəliyinin üzvlərinə, Almaniyada diaspor fəallarımızdan olan Başar Kömürə də minnətdaram. Birmənalı şəkildə demək olar ki, bu sərgi öz eksponentləri, eksponatları, ziyarətçiləri, əhatə dairəsi, qədimliyi və müasirliyi ilə dünyanın başqa ölkələrində keçirilən sərgilərdən çox fərqlənir. Məsələn, ötən il Moskvada keçirilən və bizim də iştirakçısı olduğumuz "Nonfıction" kitab sərgisində 30 min kvadratmetrlik ərazidə 50 ölkədən 150 min kitab nümayiş olunmuşdusa, Frankfiırtda 172 min kvadrat-metrlik bir ərazidə 113 ölkədən 400 min kitab və multimedia məhsulları sərgiləndi, sərgidə 7272 eksponent, 280 mindən yuxarı ziyarətçi iştirak etdi, sərgi çərçivəsində 2500 irili xırdalı tədbir keçirildi".

A.Əliyeva-Kəngərli Azərbaycan kitabının hər hansı bir beynəlxalq sərgiyə aparılarkən guya orada satışa çıxarıldığı barədə fikirlərin kökündən yanlış olduğunu vurğulayır: "Məsələn, Frankfiırt kitab sərgisi əvvəllər həm də satış-yarmarka xarakteri daşıyıb, ona görə də "Frankfurt kitab yarmarkası" adı ilə fəaliyyət göstərib. Lakin 2000-ci ildə Almaniya hökumətinin qərarı ilə bu tədbirə sərgi statusu verilib və burada kitabların satışına qadağa qoyulub.

Bu sərgidə 1976-cı ildən hansısa bir ölkə fəxri qonaq kimi çıxış edir, həmin ölkənin ədəbiyyatı daha çox diqqət mərkəzində olur".

Kitabxana rəhbəri deyir ki, Azərbaycan sərgidə ilk dəfə iştirak etdiyindən, neft və energetika sahəsində irimiqyaslı layihələrlə dünyada tanındığından, qlobal informasiyanın regional mərkəzi olduğundan aparılan eksponatların zənginliyinə xüsusi diqqət yetirilib: "Çalışmışdıq ki, elmi tutumu, mədəni əhəmiyyəti, poliqrafık icrası ilə fərqlənən kitabları özümüzlə aparaq. Üstünlüyü isə əsasən dövlət başçısının sərəncamı ilə latın qrafıkasında çıxan kitablara vermişdik. Bununla yanaşı, Heyder Əliyev Fondunun, Azərbaycan Mədəniyyətinin Dostları Fondunun və nəşriyyatların böyük əksəriyyətinin nəfis tərtibatlı, sanballı nəşrlərini sərgidə nümayiş etdirdik. Ümummilli lider Heydər Əliyevin şəxsiyyəti, siyasi fəaliyyəti ilə bağlı nəşrlər guşəmizi ziyarət edənlərdə xüsusi maraq doğurdu".

A.Əliyeva - Kəngərlinin fikrincə, bu sərgi həm Azərbaycanı təbliğ etmək, həm ölkənin elmini, mədəniyyətini dünyaya tanıtmaq, həm də təcrübə mübadiləsi aparmaq baxımından qarşıda yeni real imkanlar açıb: "Minlərlə həmkarımızın iştirak etdiyi belə bir sərgi kitabxanaçılıq və kitabçılıq sahəsindeki bilik və bacarıqlarımızı artırmağımıza, beynəlxalq kitab mübadiləsi istiqamətində gördüyümüz işləri daha müasir səviyyədə yerinə yetirməyimizə təkan verdi. Biz sərgi zamanı ikitərəfli və çoxtərəfli görüşlər keçirdik, dünyanın bir sıra tanınmış kitabxana və nəşriyyatları ilə əməkdaşlıq sazişləri imzaladıq. Onların arasında "Hallimar", "Mekong Press", "Elsevier" kimi nəşriyyatlar, Türkiyə Mədəniyyət və Turizm Nazirliyinin, Frankfurt Universitetinin kitabxanası və başqaları var".

Azərbaycandakı bir neçə nəşriyyatın nümayəndələri də sərgi çərçivəsində Frankfurtda olublar: "Mədəniyyət və Turizm Nazirliyinin nəşriyyat şöbəsinin məsul işçisi şair Çingiz Əlioğlu, “Çap-poliqraf” nəşriyyatının direktoru Qoşqar Qarayev, “As-poliqraf”, "Çinar-çap", "Çaşıoğlu", "Təhsil", "Tutu", "Altun kitab" və başqa nəşriyyatların nümayəndələri sərgidə çox fəal iştirak etdilər. Biz orada gördük ki, bugün dünyada kitabxana və nəşriyyat işində informasiya texnologiyaları çox səmərəli şəkildə tətbiq olunur. Sərgiyə təqdim olunmuş ədəbiyyatın 30 faizi rəqəmli formatda idi, 50-dən çox kitabxana, 500-dən artıq nəşriyyat isə sərgiyə ancaq audiokitablar gətirmişdi. Sərgidə nümayiş olunan digər çap eksponatlarının yalnız 43 faizi ənənəvi nəşr formasında idi. Bütün bunlar göstərir ki, kitabxana işi, nəşriyyat fəaliyyəti artıq tamam başqa standartlarla inkişaf edir".

525-ci qəzet.- 2006.- 7 noyabr.- S. 6.