Mükərrəmoğlu M.

“İbrus” kinoteatrında qırğız və qazax filmləri nümayiş etdirildi

Festivalın gündəliyi

VIII “Şərq-Qərb” kinofestivalı dünən “Ibrus” kinoteatrında öz işini davam etdirdi. Burada Qırğızıstan kinematoqrafçılarının “Cənnət quşları” və Qazaxıstan kino ustalarının lentə aldıqları “Trassa” filmləri nümayiş etdirildi.
Məlumat üçün bildirək ki, qırğız kino xadimlərinin “Cənnət quşları” filminin istehsalında qazax kinematoqrafçıları da iştirak etmişlər. Festivalın nümayəndə heyəti arasında filmin rejissorlarından biri — Talqat Asırankulov da var idi. Bizimlə söhbətində o öz yeni filmini belə təqdim etdi: “Bizim filmin qəhrəmanı tələbə-jurnalist qızdır. Üç dəqiqəlik reportaj hazırlamaq üçün o, sərhədyanı şəhərə gəlir. Küçələrin birində, yeniyetmə oрlan videokameranı onun əlindən qapıb qaçır. Kamerasız qalan qız üç dostun ofisinə gedib çıxana qədər, sərhədyanı şəhərciyi boş-boşuna dolaşmalı olur... Məqsədsiz insan üçün xoşbəxtlik əlçatmazdır. Bizim qəhrəmanlar, filmin adından da bəlli olduрu kimi quşlar kimi ömür sürürlər. Lakin seçim anı gələndə onlar hansı tərəfə — xeyir, yaxud şərə doрru addım atacaqları barədə qərar qəbul etməyə məcbur olurlar. Filmin əsas baрlantısı da elə budur”.
Talqat Asırankulov peşəcə rəssamdır. “İlbiz, sənin evin hardadır”, “Selikinçek”, “Hər tərəf qarla örtülmüşdür”, “Şiza” filmlərində rəssam kimi işləmiş, bu film isə onun rejissor debütüdür. Yeni filmə o, Həziz Nəsirovla birgə quruluş vermişdir.
Digər filmin — “Trassa”nın hadisələri fantastik məcrada cərəyan edir. Uçan kosmik cisim və düzənlikdə itən balaca insan gözlənilməz təmas nöqtəsində görüşürlər. Dünyada gizli heç nə yoxdur, hər şey qarşılıqlı şəkildə əlaqəlidir. Lakin təcrid olunmalar da mövcuddur. Filmin rejissoru və ssenari müəllifi Sabit Qurmanbəyov deyir: “Biz bir adamın gözünə nə qədər çox görünürüksə bir o qədər də dünya ilə böyük əlaqələrin şahidi oluruq”.
Festival tamaşaçıları ilə görüşə filmin operatoru Renat Kosay gəlmişdi. Festivalın qərargahının yerləşdiyi Zuqulbadakı Otel Hilsidedə rejissor Rasim Ocaqovun filmlərinin retrospektiv baxışı davam etdirildi. Tamaşaçılar rejissorun “Ölsəm, baрışla” filminə baxdılar. Azərbaycanın yeni sənədli kinosu silsiləsindən isə “Sükutun səsi” (rejissor I. Məmmədəliyev), “Ömrün sarı rəngi” (rejissor Mehriban Ələkbərzadə), “Yeddi oğul istərəm, bircə dənə qız gəlin” (rejissor Ə. I. Cabbarov) filmləri nümayiş etdirildi.
Festival bu gün öz işini davam etdirir.

Xalq qəzeti.- 2006.- 7 sentyabr.- S. 5.