İradə

“Mənasız işlərlə məşğul olmaqdansa oxumaq yaxşıdır”

Faiq Sücəddinov «Azəristar»ı tənqid edənlərin onların yerinə göz dikdiyini bildirir

“Bakcel”in baş sponsorluğu ilə «Space» televiziyasında yayınlanan “Azəristar” yarışması artıq sona çatıb. Bu gün yarışmanın qalibi elan olunacaq". Qeyd edək ki, bu ınüsabiqə başlandığı ğündən Mətbuatda müxtəlif qalmaqallar, söz-söhbətlər dolaşıb. Müsabiqəyə tənqidi nöqteyi-nəzərdən yanaşılar, əsasən peşəkar musiqiçilər, bəstəkarlar və müğənilər olub. Onlar iştirakçılardan daha çox, münsiflər heyəti üzvlərinin canlı efirdəki hərəkətlərini tənqid ediblər. Əksər sənət adamları isə bu qəbildən olan müsabiqələrin sənətə, musiqiyə deyil, sırf biznesə xidmət etdiyini bildirir. Hətda onların bəziləri “Azəristar”dan və digər bu tipli müsabiqələrdən heç vaxt peşəkar müğəni çıxmayacığına iddia edir.

Münsiflərin özləri necə, bu müsabiqədən həqiqi sənətkarların çıxacağına inanırlarmı? Ümumiyyətlə, onlar iştirakçılardan razı qalıblarmı?

Ən çox tənqid edilən münsiflər heyəti üzvlərindən biri, tanınmış bəstəkar Faiq Sücaddinovla əlaqə saxladıq. Faiq müəllim bizimlə söhbətində bildirdi ki, bu müsabiqədə böyük əksəriyyət olmasa da, bir neçə iştirakçı onda ümüd oyadıb: “Əvvəllər pionerlər evi vardı, uşaqlar ora gedib, vaxtlarının səmərəli keçirirdilər, musiqiyə maraq göstərirdilər. Hardasa “Azəristar” yarışması da həmin pionerlər evinin və digər uşaq yaradıcılıq məkanlarının davamı sayılır. Bu müsabiqədə iştirakçılar 4 ay musiqilə məşğul olur, oranjıman, mahnı tapıb oxuyurlar. Yaxşı oxuyacaqlar, pis oxuyacaqlar, bu başqa məsələdir. Mənasız işlərlə məşğul olmaqdansa, oxumaq yaxşıdır”.

F.Sücəddinov bu müsabiqəyə və münsiflər heyətinə irad tutan adamların onların yerinə can atdığını bildirdi: “Bizi tənqid edənlərə təxminən belə qiymət vermək olar; «siz məni öz partiyanıza dəvət edin və mən sizi bir daha tənqid etməyəcəyəm”. Bizi tənqid edənlərin hamısı müsabiqənin münsiflər heyətində təmsil olunmaq, yəni bizim yerimizdə oturmaq istəyən adamlardır. Müsabiqənin dörd nəfər münsiflər heyəti üzvü var. İndi kimsə bu dörd nəfərin yerində ola bilmədiyi üçün bizi tənqid etməyə başlayır. Orda da tənqid olunası nə var? Biz uşaqlara deyirdik ki, bəstəkar mahnıları oxuyun və s. Budur bizim fikrimiz, şəxsən mənim fikrim. Düzdür, mən istəyir-dim ki, ən istedadlı uşaq seçilsin. Amma hər şeyi biz yox, SMS-lər həll edir. SMS-in öz qanunu var. Kimə çox SMS gəlirsə, o da keçir. Mən kiminsə tapşırığı, yaxud kiməsə xoş gəlmək üçün kimisə seçməmişəm ki, bir peşəkar kimi öz vicdanıma, öz biliyimə görə o iştirakçını seçmişəm. Bizi tənqid edənlər məndən ağıllıdır? Mən konservaloriyanın bəstəkarlıq fakültəsini bitirmişəm. Orkestrin rəhbəri olmuşam, gəlib orkestrin rəhbəri olsunlar. Məndən çox bilirlər, 6 il xaricdə dərs demişəm. Onlar da gedib xaricdə dərs de-sinlər. Hamı özünü ağıllı sayır və televizora çıxıb çıxış etmək istəyir”.

Faiq Sücəddinovun sözlərinə görə, müsabiqədə iştirak edən gənclərin arasında zəifləri də çox olub: “Amma bunların içində istedadlı uşaqlar da var. Mən iştirakçılardan razı qaldım. Adam istəyir ki, orda on nəfər yaxşı səsi olan iştirakçı olsun. Amma bu belə deyil, orada üç-dörd nəfər yaxşı oxuyan, ümid verən gənc iştirakçı vardı. Mən istərdim ki, bizim musiqimizin səsi xarici ölkələrdən gəlsin. Vaxtilə bizim musiqiçilərimiz, müğənilərimiz xaricdə daha çox konsertlər verir, Azərbaycan musiqisini təbliğ edirdilər. Bu gün o körpülərin yenidən bərpa olunmasına böyük ehtiyac var. İstərdim ki, xaricdə Azərbaycan estrada musiqisinin tərənnümçüləri olsun və onlar bizim estrada musiqimizi orda təqdim etsinlər”.

Bakı xəbər.- 2006.- 5 sentyabr.- S. 16.