Xatun
Naxçıvanda 960-dan artıq abidə qeydə alınıb
Sonuncu proses iki mərhələdə keçirilib
Naxçıvanın
tarixi abidələrinin qeydə alınması və
pasportlaşdırılması işi başa çatıb. İndiyə kimi 960-dan artıq abidə qeydə alınıb. AMEA Naxçıvan bölməsinin "Qədim
dövr arxeologiyası"
şöbəsinin müdiri,
tarix elmləri doktoru Vəli Baxşəliyev prosesin iki mərhələdə
baş tutduğunu deyib: "İkinci mərhələnin başa
çatması ilə
pasportlaşdırma işi
yekunlaşmış hesab
edilir. Aprel ayından başlanan ikinci mərhələdə
360-dan artıq abidə
qeydə alınıb.
Hər iki mərhələdə Naxçıvan
Muxtar Respublikası Şərur rayonunda 212, Babək rayonunda 118, Culfada 186, Kəngərlidə
84, Şahbuzda 133, Sədərəkdə
25, Ordubadda 200-dən artıq abidə qeydə alınaraq pasportlaşdırılıb. Naxçıvan
şəhərində isə
26 tarixi abidə bu siyahıya daxil edilib".
Qeyd edək ki, regionda tarixi
və mədəni abidələrin pasportlaşdırılması
işi "Naxçıvan
Muxtar Respublikası ərazisində tarixi abidələrin qeydə alınması və pasportlaşdırılması haqqında"
Naxçıvan Muxtar
Respublikası Ali Məclisinin sədri Vasif Talıbovun 6 dekabr 2005-ci il tarixli sərəncamına
əsasən həyata
keçirilib
Ayna.-2007.-23 avqust.-S.8.