Fərid Xayrulinin “Bakı dünən, bu gün...” mövzusunda foto-sərgisi

Dünən Muzey Mərkəzinin Sərgi Qalereyasında Fərid Xayrulinin 40 illik yaradıcılıq fəaliyyətini əks etdirən “Bakı dünən, bu gün...” mövzusunda fotosərgi açılıb. APA-nın xəbərinə görə, açılış mərasimində millət vəkili Gülhüseyn Əhmədov çıxış edərək, tanınmış fotoqrafın beynəlxalq aləmdə Azərbaycan mədəniyyəti və incəsənətini həmişə layiqincə təmsil etdiyini bildirib. F. Xayrulin çıxışında sərgidəki fotolarda Bakının dünəni və bu günü ilə bağlı görüntülərin təsvir olunduğunu deyib. Mədəniyyət və Turizm naziri Əbülfəs Qarayev qırmızı lenti kəsərək, hamını Bakı həyatını əks etdirən fotolara baxmağa dəvət edib

Yeni Azərbaycan.- 2007.- 8 dekabr.- S. 12.