AzərTAc xəbər
verir ki, rabitə və informasiya texnologiyaları sahəsinin
işçiləri dekabrın 6-da peşə
bayramlarını qeyd etmişlər.
Bu münasibətlə
keçirilən mərasimin
iştirakçıları Fəxri xiyabana gələrək müstəqil
Azərbaycan dövlətinin
memarı və qurucusu, ümummilli lider Heydər Əliyevin xatirəsini ehtiramla yad etmiş,
abidəsi önünə
əklil qoymuşlar.
Görkəmli oftalmoloq
alim, akademik Zərifə xanım Əliyevanın məzarı
üstünə də
gül-çiçək
dəstələri düzülmüşdür.
Sonra rabitəçilər
Şəhidlər xiyabanını
ziyarət etmiş, Azərbaycanın azadlığı,
müstəqilliyi və
ərazi bütövlüyü
uğrunda canlarından
keçmiş mərd
mübarizlərin xatirəsini
ehtiramla anmış,
"Əbədi məşəl"
abidəsi önünə
əklil qoymuşlar.
Tədbir Bakı Əyləncə Mərkəzində
davam etdirilmişdir. Rabitə və informasiya texnologiyaları naziri Əli Abbasov ölkədə bütün sahələrdə
olduğu kimi, rabitə və informasiya texnologiyaları sahəsinin də sürətlə inkişaf
etdiyini bildirmiş, Bakıda keçirilən
"Bakutel-2007" sərgisinin əhəmiyyətindən danışmışdır.
Nazir ulu öndər Heydər Əliyev siyasi xəttinin layiqli davamçısı Azərbaycan
Prezidenti İlham Əliyevin diqqət və qayğısı sayəsində ölkəmizdə
İKT sahəsində yüksək
nailiyyətlər qazanıldığını
diqqətə çatdırmışdır.
Ə.Abbasov bildirmişdir ki, Azərbaycan İKT üzrə
beynəlxalq tədbirlərin
fəal iştirakçısına
və təşkilatçısına
çevrilmişdir. İnformasiya-kommunikasiya
texnologiyalarının inkişaf
etdirilməsi respublikamızda
dövlət siyasətinin
əsas prioritet istiqamətlərindən biridir.
Bunun nəticəsidir
ki, ölkəmizdə
neft sektorundan sonra rabitə və informasiya texnologiyaları ən sürətlə inkişaf
edən sahədir.
Tədbirdə rabitə və
informasiya texnologiyaları
sahəsi işçilərinin
peşə bayramı
münasibətilə keçirilmiş
"Virtual rinq" televiktorinasının, ali
məktəb tələbələri
arasında ümumrespublika
informatika olimpiadasının
və İKT müsabiqəsinin
qalibləri mükafatlandırılmışdır.
Peşə bayramı
münasibətilə RİTN tərəfindən sahənin
bir qrup işçisinə mükafatlar
verilmişdir.
Tədbirdə İKT üzrə
"elektron-kitabxanasının"
və "Dilmanc"
tərcümə proqramının
təqdimatı olmuşdur.
Sonda Azərbaycan Prezidenti İlham Əliyevə tədbir iştirakçıları adından
müraciət qəbul
edilmişdir.
Azərbaycan.- 2007.- 7 dekabr.- S. 3.