Ələddinqızı N.

"İncəsənətdə sülh" II Beynəlxalq Simpoziumda azərbaycanlı rəssam birincilik qazanıb

Neft texnikası ilə yaradılan əsər sərgi-müsabiqələrdə 14 dövlətin nümayəndələrini hevrətləndirdi

Bu yaxınlarda Almaniyanın Evritte-Xorn şəhərində keçirilən "İncəsənətdə sülh" II Beynəlxalq Simpoziumda Azərbaycanı respublikanın əməkdar incəsənət xadimi Arif Hüseynov və istedadlı rəssam Sabir Çopuroğlu təmsil etmişlər. Redaksiyamızın qonağı olan Sabir Çopuroğlu səfər təəssüratlarını bizimlə bölüşdü. O, bildirdi ki, simpoziuma 14 dövlətdən 34 nümayəndə dəvət olunmuşdur. Simpoziumu keçirməkdə məqsəd dünyada sülh yaratmaqdır. Rəssamları bir yerə toplayaraq, bəşəriyyəti, məhz ölümə sürükləyən müharibələrdən, təhlükədən xilas etmək və onların yaradıcılığını təbliğ edərək, yer üzündə sülhə, əmin-amanlığa nail olmaq amalı simpoziumun təşkilatçılarının əsas ideyası olmuşdur.

Bir neçə gün davam edən seminardan sonra dünyanın müxtəlif ölkələrindən, İtaliyadan, Yaponiyadan, Fransadan, Kubadan, Çexiyadan, Ukraynadan, Moldovadan, Sankt-Peterburqdan, Fransadan və digər ölkələrdən gəlmiş rəssamların sərgi-müsabiqəsi təşkil olunmuşdur. Sərgi-müsabiqədə yeni bir texniki üslubda əsər yaratmış Sabir Çopuroğlu birincilik qazanaraq, mükafata layiq görülmüşdür. Simpoziumdan əvvəl rəssam öz əsərlərini, kataloqlarını Almaniyaya göndərib ki, onun yaradıcılığı ilə tanış olsunlar.

Qeyd etmək lazımdır ki, Sabir Çopuroğlu bu günə qədər bir çox müsabiqələrin, festivalların iştirakçısı olmuş, ABŞ, Belçika, İran, Türkiyə, İngiltərə və digər dövlətlərin sənətsevərlərinin şəxsi kolleksiyalarında onun əsərləri saxlanılır.

Sabir Çopuroğlu neftdən rəsm əsəri yaradan yaradıcı şəxs kimi Almaniyaya dəvət olunmuş, bu onun sənət dünyasına məxsus olan ştrixlərin şahidinə çevrilmək istəyindən reallaşmışdır. Müxtəlif janrlarda irili-xırdalı tabloların müəllifi kimi tanınan Sabir Çopuroğlu milli kaloritdə yaratdığı əsərlərlə yaradıcılığı hər zaman diqqət mərkəzində olmuşdur. Azərbaycanın tarixi, onun tanınmış simaları ilə bağlı yaratdığı əsərlər, demək olar ki, rəssamın yaradıcılığının ana xəttini təşkil edir. Xüsusilə də, neftlə bağlı yaratdığı əsərlər Sabir Çopuroğlunun yaradıcılığına yeni bir çalar əlavə etmişdir. Azərbaycan rəssamının bu üslubda işləməsi ölkədən kənarda yaşayan yaradıcı şəxslərl maraqlandırmış, hətta onlar heyrətə belə gəlmişlər. Sabir Çopuroğlunun sözlərinə görə, simpoziuma səfər etməmişdən əvvəl onun yaradıcılığı müzakirə obyektinə çevrilmişdir. Bu mənada ki, Azərbaycanı təmsil edən rəssamın Xəzər dənizindən çıxan neft ilə kətan üzərində bədii obraz yaratması ideyasma laqeyd münasibət bəsləmək mümkün olmamışdır.

Rəssamın sözlərinə görə, o, Azərbaycanı simpoziumda geniş bir şəkildə təmsil etmiş, ölkənin ictimai-siyasi mədəni həyatı ilə bağlı müəyyən faktları iştirakçıların nəzərinə çatdırmışdır. Erməni işğalçıları tərəfindən Azərbaycan torpaqlarının 20 faizinin işğal altında olduğunu dünyanı təmsil edən rəssamların nəzərinə çatdıran Sabir Çopuroğlu qonşu dövlətin işğalçılıq siyasəti haqqında qısa məlumat vermişdir. Bununla yanaşı, Azərbaycanın potensial imkanlarından, müstəqillik dövründə əldə etdiyi uğurlardan belə söz açmışdı.

İyirmi gün çərçivəsində davam edən simpoziumda dünya dövlətlərinin rəssamlarının Azərbaycan sənəti, mədəniyyəti ilə bağlı təsəvvürləri bir qədər də genişlənmişdir.

Qeyd edildiyi kimi, simpozium işinə yekun vurduqdan sonra sərgi-müsabiqə elan olunmuş münsiflər heyətinin qərarı ilə birinci yerə Sabir Çopuroğlu layiq görülmüşdür. Rəssam neft üslubunda yaratdığı tablosu haqqında bu fikirləri söylədi: "Mən bu texnika ilə, demək olar ki, on ildir məşğulam. Yaradıcılığım boyu yenilik axtarışında olan rəssam kimi, həmişə çalışmışam ki, sənət dünyamda rəngarənglik, orijinallıq özünü büruzə versin Azərbaycan neft ölkəsi olduğundan Xəzər dənizindən çıxan nef ilə əsər yaratmağı qarşıma məqsəd qoydum və bundan sonre neftə, bu sahədə çalışan mütəxəssislərə aid bir sıra təkrarsız əsərləri yaratdım.

Dünyanın müxtəlif ölkələrində keçirilən beynəlxalq simpozium, sərgi-müsabiqələrdə bele texnika ilə işlədiyim əsərləri təqdim etmək mənə bir rahatlıq gətirir. Deyim ki, mən Almaniyada simpoziumda iştirak etdiyim zaman artıq mənim neft texnikası ilə işləməyim haqqında onların kifayət qədər məlumatı var idi. Rəssamlığın müxtəlif janrlarında əsərlərin şahidinə çevrilən yaradıcı simalar belə bir üslubda əsərə hələ təsadüf etmədiklərini bildirdilər.

Simpozium çərçivəsində iştirakçıların marağını nəzərə alıb, onların gözü qarşısında neft ilə orijinal bir əsər yaratdım. Bu marağı görüb, əsərlərimdən onlara hətta hədiyyə belə etdim. Simpoziuma təqdim olunan əsərlər janr müxtəlifliyi ilə seçilir. Qarabağa, Azərbaycanın tarixi abidələrinə həsr olunmuş əsərlərim də simpoziumda, sərgi-müsabiqədə nümayiş olundu. Deyim ki, 2008-ci ildə keçiriləcək "İncəsənətdə sülh" II Beynəlxalq Simpoziuma azərbaycanlı rəssam kimi yenidən dəvət almışam".

Səs.- 2007.- 16 fevral.- S. 12.