Azərbaycan musiqisi festivalı

 

Fevralın 5- Müslüm Maqomayev adına Azərbaycan Dövlət Filarmoniyasında Azərbaycan Musiqisi Festivalının açılış mərasimi keçirilmişdir.
Foyedə XX əsr Azərbaycan musiqi mədəniyyətinin görkəmli nümayəndələrinə həsr olunmuş fotosərgi nümayiş etdilirdi.
Tədbirdə çıxış edən mədəniyyət turizm naziri Əbülfəs Qarayev ölkəmizdə mədəni irsin formalaşmasında bu tədbirin əhəmiyyətini vurğulayaraq bildirmişdir ki, festivalın keçirilməsindən əsas məqsəd milli musiqimizin nailiyyətlərini, ifaçılıq məktəblərinin uğurlarını regionlarda təbliğ etmək, habelə gənc ifaçıların daha çox Azərbaycan musiqisinə cəlb olunmasına təkan verməkdir.
Qeyd olunmuşdur ki, 2008-ci ildə "Leyli Məcnun" operasının səhnəyə qoyulmasının milli peşəkar bəstəkarlıq məktəbinin yaradılmasının 100 illiyi qeyd olunacaqdır. Geniş əhali kütləsini Azərbaycanın dahi bəstəkarlarının əsərləri ilə tanış etmək üçün iki il ərzində bu festivalın keçirilməsi qərara alınmışdır.
Sonra Qara Qarayev adına Azərbaycan Dövlət kamera orkestrinin (bədii rəhbər baş dirijor əməkdar incəsənət xadimi Teymur Göyçayev) ifasında dahi bəstəkarlarımızın əsərləri səslənmişdir.
Bakıda başlanmış festival fevralın 7-dən dörd gün ərzində Sumqayıtda, sonra isə respublikamızın müxtəlif bölgələrində davam edəcəkdir.

 

Azərbaycan.-2007.-6 fevral.-S.4.