Xocalı abidəsi protokol
qaydalarına salınacaqmı?
Ötən əsrin əvvəllərində guya
türklər tərəfindən
törədilmiş qondarma
erməni soyqırımına
İrəvanın mərkəzində
abidə qoyulub və onun ölkəyə
gələn hər bir əcnəbi siyasətçi tərəfindən
rəsmi ziyarəti dövlət səviyyəsində
protokol qaydalarına daxil edilib. Azərbaycanda
da 15 il əvvəl Xocalı qətliamı kimi dəhşətli qırğın
törədilib, amma biz hələlik, bu müdhiş olayın reallığını
dünyaya çatdırmağın
yollarını tapa bilməmişik. Məsələ
ondadır ki, biz də Bakının
mərkəzində - Xətai
rayonu ərazisində
Xocalı soyqırımına
dair abidə ucaltmışıq, amma onun yerini nəinki
xaricdən gələn
siyasətçilər, heç
yerlilərin də çoxu bilmir. O zaman Azərbaycan hökuməti niyə onu rəsmi protokol qaydalarına salmır və ümumiyyətlə, belə
bir prosesin reallaşdırılması faciənin
tanınması üçün
nə dərəcədə
effekt verərdi?
Millət vəkili,
YAP-ın icra katibi Əli Əhmədov və millət vəkili Cəmil Həsənli də parlamentdə çıxışları zamanı
Xocalı soyqırımı
ilə bağlı zəruri tədbirlərin
görülməsini vacib
sayıblar. Daha dəqiq desək, millət vəkilləri şəhərin mərkəzində
belə bir abidənin ucaldılmasını
və onun rəsmi protokol qaydalarına salınmasını
təklif ediblər.
Xarici İşlər Nazirliyinin
Mətbuat və İnformasiya İdarəsinin
rəhbəri Tahir Tağızadə də məsələ ilə bağlı XİN-in mövqeyini açıqladı.
O bildirdi ki, bu proses Prezident
Aparatı tərəfindən
həyata keçirildiyindən
protokol qaydaları ilə XİN məşğul
olmur: "Şəxsi
mövqeyimə gəlincə,
Xocalı faciəsi ilə bağlı ucaldılan abidənin rəsmi şəxslər tərəfindən
ziyarəti protokol qaydalarına salınsa, daha yaxşı olar".
Məsələ ilə bağlı Prezident Aparatı protokol şöbəsinin
rəsmisi Elçin Bağırovun da mövqeyini öyrənməyə
çalışdıq. Amma
o, bu barədə
açıqlama vermək
istəmədi.
Həftə
içi.-2007.-28 fevral.-S.2.