Mirvari
Tamaşalar
başqa yerlərdə
qoyulur
Yenidənqurma!
Hazırda Bakıdakı 4 mədəniyyət
ocağında təmir-bərpa
işləri aparılır. Prosesin nə yerdə olduğunu öyrənmək
üçün həmin
qurumlarla əlaqə saxladıq.
Yaşıl Teatrın
direktoru Eldar Xəlilov obyektin ötən ilin avqustundan təmirə dayandığını və
bu il
mayın 10-da təhvil
verilməsinin planlaşdırıldığını
dedi. Onun sözlərinə görə,
mədəniyyət ocağının
layihəsi türklər
tərəfindən hazırlanıb:
"Yeni layihəyə
əsasən, bina əvvəlki memarlıq üslubundan tam fərqli şəkildə quraşdırılacaq.
Oturacaqlar artırılacaq, səhnə genişləndiriləcək.
Rəng çalarlarına, ifaya uyğun olaraq və səhnəni daha da rövnəqləndirmək
üçün onun kənarlarını su əhatə edəcək.
Belə bir yenilik hələ
bizim ölkəmizdə
tətbiq olunmayıb.
Bu, almanların təcrübəsindən götürülüb.
Bir sözlə, yenidənqurma
işləri sıfırdan
başlayıb və tamaşaçıları tam fərqli
memarlıq üslubunda
olan binada qarşılayacağıq".
E.Xəlilov tikinti
işlərinin Bakı
şəhər İcra
Hakimiyyətinin Baş
Tikinti İdarəsi tərəfindən aparıldığını
da bildirdi: "Bütövlükdə tikinti
işlərinə 4 milyon
468 min 891 manat pul ayrılıb".
Təmir aparılan digər
mədəniyyət ocağı
isə Gənc Tamaşaçılar Teatrıdır.
?lkə prezidentinin
göstərişi ilə
bu teatrın təmiri üçün
vəsait ayrılıb
və hazırda qızğın işlər
gedir. 2006-cı ilin noyabrından start verilən təmirin 2008-ci
ilin aprel ayında yekunlaşacağı
planlaşdırılıb. Teatrdan verilən məlumata görə, hələlik
yaradıcı heyətin
hazırladığı tamaşalar
müxtəlif məkanlarda,
o cümlədən Azərbaycan
Dövlət Dram Teatrının
səhnəsində tamaşaya
qoyulur.
Balacaların sevimli məkanı
olan Kukla Teatrında da təmir işlərinə
noyabrdan başlanılıb.
Teatrın direktoru Rəhman Quliyevin sözlərinə görə,
balacalar bu ilin sentyabrında təmir olunmuş yeni binada tamaşalara
baxa biləcəklər:
"İnzibati işçi
heyəti hazırda dövlət tərəfindən
kirayə tutulan ofisdə məskunlaşıb.
Yaradıcı heyət isə
müxtəlif məkanlarda
məşq edir və tamaşalar səhnələşdirir. Hazırda məktəblərdə və
uşaq bağçalarında
səyyar tamaşalar veririk".
"Nurgün" şirkətinin noyabrdan təmir apardığı
Rus Dram Teatrında da sürətli iş gedir. Həmin teatrda da yaradıcı
heyət fəaliyyətini
dayandırmayıb. Teatrın truppası
hazırda Dənizçilərin
Mədəniyyət Evində
tamaşalar səhnələşdirir.
Bu cür şəraitdə
onlar 12 tamaşa təhvil veriblər.
Və uşaqların mart tətili
üçün yeni tamaşa hazırlanır.
Həftə içi.-2007.-21
fevral.-S.8.