Xocalı
faciəsinə aid muzey
yaradılmalıdır
Dünən Beynəlxalq Mətbuat
Mərkəzində Azərbaycan
Qaçqın və Məcburi Köçkün
Gənclər Təşkilatı
(AQMKGT) Xocalı faciəsinin
15-ci ildönümü ilə
bağlı "dəyirmi
masa" keçirdi.
AQMKGT-nin və "Qarabağın azərbaycanlı
gənclər icması"
Beynəlxalq İctimai
Birliyinin sədri Vüqar Qədirov son 1 əsrdə xalqımızın
yaşadığı erməni
sindromundan, onun dəhşətli nəticələrindən
və bunun hələ də davam etməsindən danışdı: "Xocalı
faciəsinin dünyada
analoqu olmasa da, hələ də lazımi səviyyədə beynəlxalq
ictimaiyyətin diqqətinə
çatdırılmayıb və ona yetərincə
hüquqi qiymət verilməyib". V.Qədirov
onu da vurğuladı
ki, bugünkü Azərbaycan gəncliyinin qarşısında duran əsas vəzifələrdən
biri ermənilərin törətdiyi Xocalı soyqırımını və
digər faciələri
müxtəlif vasitələrlə
dünya ictimaiyyətinə
çatdırmaqdır: "Ermənilər bu faciəni əks etdirən şəkillərdən
öz mənafeləri
üçün istifadə
edirlər. Biz həmçinin millət vəkillərinə də
müraciətlər göndərmişik.
Yəni bu günə kimi Xocalı soyqırımına hüquqi
qiymət verilməyib.
Milli Məclis bu faciəni soyqırım kimi tanımadığına
görə Türkiyə
parlamenti də bunu qəbul etmir". Təşkilat
sədri Xocalı ilə bağlı böyük bir muzeyin yaradılmasını
da vacib saydı: "Ramil Səfərovun qətlə
yetirdiyi erməni üçün muzey yaradılıb və bunu əcnəbilərə
millətimizin vəhşiliyinin
sübutu kimi göstərirlər. Halbuki hər
şey əksinədir".
V.Qədirov daxildə də
təbliğatın güclü
aparılmasını vacib
bildi. O, Qarabağdan
yazan jurnalistlərin dövlət tərəfindən
mükafatlandırılmasını istədi: "Təşkilatımız
faciə ilə bağlı 3 dildə olan kitab hazırlayır.
Burada Qərbi Azərbaycanda və işğal altında olan torpaqlardakı tarixi abidələrimizə əsas
yer verilib". Gənclər və İdman Nazirliyinin nümayəndəsi Vüqar
Əhmədov Azərbaycan
əhalisinin 66 faizindən
çoxunun gənclər
olduğu üçün
təbliğat işində
onların üzərinə
daha çox vəzifə düşdüyünü
dedi: "Nazirliyimiz də faciə ilə bağlı silsilə tədbirlər keçirir. Təəssüf ki, oradakı
qurbanların sayı ilə əlaqədar dövlət orqanlarında
konkret sənəd yoxdur. Bu faciəyə
biz əvvəlcə daxildən
qiymət verməliyik
ki, beynəlxalq aləmin bu cür məsələlərə
diqqəti artsın".
Həftə içi.-2007.-23
fevral.-S.2.