Zülfüqaroğlu Ə.

İsfahan mədəniyyət günləri basladı

Tədbir 4 gün davam edəcək

Azərbaycanda İsfahan mədəniyyət günləri keçirilir. Qeyd edək ki, 4 gün davam edəcək tədbir Bülbülün ev muzeyində təşkil olunub.

Tədbiri giriş sözü ilə açan tarix elmləri doktoru Şahin Fazil bildirdi ki, İsfahan Təbriz və Qəzvindən sonra Səfəvilər dövlətinin 3-cü paytaxtı olub. Belə bir böyük şəhər islam dünyasının mərkəzidir: "Bu münasibətlə İran İslam Respublikasından bir neçə əl işləri üzrə sənətkarlar ölkəmizə təşrif buyurub. Onlardan Əsgər Denasdian, Əsgər Fuladigar və digərlərini qeyd etmək lazımdır". İranla Azərbaycan arasında olan isti münasibətlərə toxunan adıçəkilən ölkənin Azərbaycandakı fövqəladə və səlahiyyətli səfiri Əfşar Süleymani qeyd etdi ki, belə sərgilər ildə bir dəfə yox, hər gün keçirilməlidir: "Bu, siyasi yox, mənim ürəyimdən gələn səmimi sözlərdir. Bizim Azərbaycan xalqı ilə çox yaxın münasibətlərimiz var. Arzu edərdim ki, Azərbaycanın mədəniyyət günləri də hər gün İranda keçirilsin. Amma bu yenə də azdır. Çünki Azərbaycan yeganə ölkədir ki, İrana daha yaxındır. Bu ölkə qədər bizim ikinci bir dostumuz yoxdur. Əslində kino lıəftəsi, mədəniyyət həftəsi və digər bu tipli tədbirlər o ölkələr üçündür ki, onlar bir-birindən uzaqdadırlar. Amma biz 700 kilometrdən artıq sərhədimiz olan, könüllərdə isə bu sədd olmayan ölkələrik. Nəzərinizə çatdırım ki, ayrıca sərgilər keçirmək o xalqlar, ölkələr üçündür ki, onların adət-ənənələri, mədəniyyətləri bir-birindən fərqlənir. Amma bizdə müştərək əlaqələr, tarixi bağlılıq,, uyğunluq mövcuddur. İnşallah, Azərbaycan mədəniyyət xadimlərinin köməyi ilə bu sərgiləri birgə keçirməyi də planlaşdırırıq. Ümumiyyətlə, todbirlər hər 2 ölkədə təşkil edilsə, daha məqsodəuyğun olar. Qeyd edim ki, toplantılar təkcə əl işlərimizi deyil, dil, din və bütün mədəniyyət sahələrini əhatə edə bilər. Bir sözlə, ölkələrimiz arasında Səfəvilər dövründən indiyə qədər uzun tarixi bağlılıq mövcuddur. Bizim borcumuzdur ki, bunu gələcək nəsillərə çatdıraq".

Azərbaycan Rəssamlar İttifaqının rəhbəri Fərhad Xəlilov da səfırin fıkirləri ilə razılaşaraq vurğuladı ki, Azərbaycan və İran arasında mədəni bağlılıq mövcuddur və bu, böyük mədəniyyətin kiçik bir parçasıdır. İsfahan bütün islam dünyasının mədəni mərkəzlərindən biridir və bu tədbirlər təqdirəlayiqdir".

Həftə içi.- 2007.- 8 fevral.- S. 8.