Vəzirov C.
Firuzə Əlixanova
dünyasını dəyişəndə 77 yaşı
vardı. O, Naxçıvan teatrının ilk Leylisi, Əslisi, Gülçöhrəsi olmuşdu.
Dahi bəstəkar Üzeyir bəy Hacıbəyov Naxçıvanda
olarkən Firuzə xanımın məharətlə
yaratdığı Leyli
və Əsli rollarına baxmış, onun ifasını bəyənmişdi. Qüdrətli
opera sənətkarımız
Hüseynqulu Sarabski də Naxçıvanda Firuzə xanımla "Leyli və Məcnun",
"Əsli və Kərəm" operalarında
oynamışdı.
F.Əlixanova Naxçıvan
teatrına 1932-ci ildə
gəlmişdi. Xalq artisti, müqtədir sənətkarımız Səməd
Mövləvi deyərdi:
"Firuzə xanımın
Naxçıvan teatrına
gəlişi bir çox ciddi problemləri aradan qaldırdı".
O, opera və operettoların ifa olunmasına xüsusi ovqat verdi. Zəröş
Həmzəyeva, Sofya Hüseynova, Roza Cəfərxanova, Pakizə
Məmmədova və
başqaları səhnəyə
gə\ldilər. Naxçıvan teatrı gündən-günə inkişaf etdi.
Aktrisa 45
illik səhnə fə\aliyyəti ərzində bir-birindən maraqlı obrazlar yaratmışdı.
Onun oynadığı
Leyli, Əsli, /Gülçöhrə, Gülnaz,
Minnət, Şahsənəm,
Hürzad, Nina, Roza, Almaz, Böyükxanım,
Şərəbanı, Külkün,
Sevər və onlarla başqa rollar ömür yolunun qiymətli yadigarlarıdı. Həyatda
mənəvi qazancı ilhamla yaratdığı obrazları
oldu. Səhnədə ağlamağı da, gülməyi də, düşünməyi
də inandırıcı
şəkildə tamaşaçılara
çatdırardı. Leyli
ağlayırdı, Cənnət
xala gülürdü,
Kruçinina düşündürürdü.
Bu və bunlara bənzər obrazları aktrisa ustalıqla, əsl sənətkar palitrasıyla
ifa edirdi. Hər şey yerindəydi. Danışıq
da, qrim də, obraza yaradıcı münasibət
də.
Fitri istedada, yaraşıqlı səhnə
görünüşünə malik olan Firuzə
xanım səhnəylə
nəfəs alırdı.
Səhnə surətləri
onu yaşadan amillər idi.
O, 1974-cü ildə xalq artisti fəxri
adla, "Şərəf
nişanı" ordeni
ilə və başqa medallarla təltif olunmuşdu. Çoxlu pərəstişkarı
vardı. 1994-cü ildə
bizlərdən əbədi
ayrıldı. Təskinliyimiz
isə budur ki, vaxtında Firuzə Əlixanovanı
səhnədə gördük,
yaratdığı rollarına
baxdıq, alqışladıq.
Şirin söhbətlərini
eşitdik. 125 illik yubileyi ərəfəsində
Naxçıvan teatrında
onun yeri görünür.
Azərbaycan.- 2007.- 29 iyul.- S. 4.