Ağacan H.
Turistlərimizi dəng
edirlər
Ermənilər Acarıstan
kurortlarında dincələn azərbaycanlıların
əsəblərini tarıma çəkiblər
Poti limanında duran
"Köhnə gəmi" adlı üzən hoteldə
onlarla erməni turist var və onlar özlərinə izafi diqqət
tələb edirlər. Əvvəllər baIıqçı
seyneri olmuş bu köhnə ağac gəmi təmir və
bərpa işlərindən sonra 30 nəfərlik hotelə
çevrilib.
Acariyanın hər
yerində olduğu kimi, burada da turistlərin sayını
maksimum dərəcə artırmağı
düşünürlər.
Ukraynanın 4
şəhəri ilə birbaşa təyyarə reyslərinin
açıldığı Batumda İrəvanla dəmiryolunun
da tam bərpası və gediş-gəlişin
artırılması üçün işlər görülür.
Gündəlik Batum-İrəvan dəmiryolu reysi ilə gələn
ermənilərin sayı fasiləsiz şəkildə artır.
Gürcüstanın Dövlət Müstəqillik
günündə, mayın 26-da istifadəyə verilmiş
yeni dəmiryol vağzalının qarşısında duran taksi
sürücliləri də qatarın gəlişini
səbirsizliklə gözləyirlər.
"Həftənin
bu günü Ermənistandan turistlər
gələndə sevinirik. Çünki səxavətlə pul xərcləyir, gedəcəyi
yerə çatandä
mübahisə etmədən
haqq-hesab çəkirlər.
Çox istərdik ki, Bakıdan da Batuma belə
Onun sözlərinə görə,
Batuma gələn ermənilər "Sisinatela"
əyləncə mərkəzində
dincəlməyi çox
sevirlər.
Ətrafında yeni evlər, restoranlar və əyləncə məkanlarının yağışdan
sonra göbələk
kimi artdığı
"Sisinatela"nın icraçı
direktoru Soso Bajaniyanın sözlərinə
görə, hazırda
burada dincələnlərin
çoxu ermənilər
.olsa da, Azərbaycan vətəndaşlarının
da sayı artır. "Bizim
torpağımızda dincəlmək,
təbiət qoynunda istirahətlə yanaşı,
müasir əyləncə
mərkəzlərində ilin
yorğunluğunu çıxarmaq
istəyən azərbaycanlılar
da ildən-ilə çoxalır. Əgər
ötən il
bizim kempinq-hoteldə cəmi 10 azərbaycanlı
ailə qalmışdısa,
indi onların sayı artıq 100-ü keçib. Çox istərdik ki, azərbaycanlılar buralara
daha tez-tez gəlsinlər, azərbaycanlı
qonaqlarımızın sayı
artsın", - S.Bajaniya
söyləyib.
Acariyanın turizm və kurortlar departamentinin sədri Temur Diasamidzenin dediyinə görə, bu yayın sonunadək azərbaycanlı turistlərlə
bağlı statistikada
25 faizlik artım gözlənilir.
Acarıstan Muxtar Respublikasının baş
naziri isə bura gələn turistlərin 2009-2010-cu ilədək
1 milyon nəfərədək
artacağını, onların
ən azı 150 min nəfərini azərbaycanlıların
təşkil edəcəyini
söylədi.
Bu kurort mövsümündə 450 min turisti
qəbul etməyə
hazırlaşan Acarıstanda
70 min erməninin "stress atacağı" gözlənilir.
Ötən il buradakı kurortlarda dincəlmiş 8
min Azərbaycan vətəndaşının
bu il daha
da çoxalacağı,
12 minə çatacağı
təxminlənir.
Acarıstanın turizm və mədəniyyət departamentindən
verilən məlumata görə, respublikadakı
turizm infrastrukturunun Azərbaycan telekanallarında
reklam edilməsi də gələnlərin
sayına əhəmiyyətli
dərəcədə təsir
göstərib.
Buna rəğmən,
Acarıstanda erməni
və azərbaycanlı
turistlər arasında
münasibətlər rəsmi
strukturların dediyi təki, "heç bir problem olmayan" səviyyədə deyil.
Xırda və iri problemlər
yaşanır. Məsələn,
elə həmin "Sisinatela" əyləncə
mərkəzinin yaxınlığındakı
hotellərdən birində
12 azərbaycanlı ailənin
qaldığından xəbər
tutan ermənilər hotelin qarşısındakı
erməni evlərinin damına Dağlıq Qarabağ bayrağı vurublar, hotelə gedib-gələn azərbaycanlılara
"Dağlıq Qarabağ
bizimdir, unudun oranı, yoxsa Bakını alarıq",
"Dağlıq Qarabağda
uduzdunuz, yoxsa yenə uduzmaq istəyirsiniz?" və bu kimi ifadələr
söyləyir.
Batum və Potidəki bəzi restoranlar isə ermənilərə
məxsus olduğundan,
orada azərbaycanlı
turist görən təki musiqi repertuarı dəyişir,
erməni mahnılar ifa olunmağa başlanır, hətta soydaşlarımız bu məkanların kimlərə
məxsus olduğunu anlayıb oranı tərk edərkən arxalarınca təhqiramiz ifadələr işlədilir.
Ötən bazar günü isə Batumda 5 erməni 2 azərbaycanlıya
hücum çəkmək
istəyib. Mübahisə zamanı yaxınlıqda
polislərin peyda olması davanın qarşısını alıb.
"Burada
dincəlmək xoşumuza
gəlir. Hər şey normaldır.
Bəzən ermənilər zəhlə
tökməsəydilər, şikayətimiz yoxdur.
Onlar uzaqdan-uzağa söz atır, sataşırlar.
Cavablarını verməyə hazırıq,
amma bura qalmaqala yox, istirahətə gəlmişik.
Onlarsa ermənidir, insanlıqdan uzaq məxluqlardı, insan dilini anlamazlar", - Batumda dincələn Sultan
Kərimov söylədi.
"Bizə
hələlik rəsmi
qaydada şikayət daxil olmayıb. Deyirlər ki,
ermənilər azərbaycanlılara
sataşırlar.
Amma hələ heç bir azərbaycanlı iradını bildirməyib.
Kimsə narahat olmasın ki, qayda-qanuna riayət etməyən, burada haradan gəlməsi və milli mənsubluğundan
asılı olmayaraq, istənilən turistin istirahətini pozmağa çalışan şəxslər
barədə qanun çərçivəsində ən sərt tədbirlər görüləcək",
- Batum polis idarəsindən
"Ekspress"ə bildirildi.
Ekspress.- 2007.- 24 iyul.- S. 9.