Nərmin

Venesiyada karnaval

Dünən Muzey Mərkəzinin Sərgi Qalereyasında Mədəniyyət və Turizm Nazirliyi, təsviri incəsənət şöbəsinin və Azərbaycan Rəssamlar İttifaqının dəstəyi ilə rəssam Marqarita Kərimova-Sokolovanın "Venesiyada karnaval" adı altında fərdi sərgisi keçirildi. Rəssamlar İttifaqının sədri Fərhad Xəlilovun sözlərinə görə rəssamın yaradıcılığı universal, süjet xəttinin qeyri-süniliyi, son dərəcə duyğulu və mənafı çalarları ilə diqqət çəkir.

Qeyd edək ki, hazırda Almaniyada yaşayan Marqarita Kərimova-Sokolova Bakıda anadan olub. Krasnodar Universitetində rəssamlıq təhsili alaraq Moskva Rəssamlıq Akademiyasında təcrübə keçib. Hazırda bir çox dünya ölkələrinin şəkil qalereyalarında və muzeylərində rəssamın rəsm əsərləri nümayiş olunur.

Sərgidə rəssamın yağla, akvarellə, quru pastellə kağız və kətan üzərindən işlənrniş bir sıra silsilələrdən ibarət şəkil kolleksiyası yer alırdı. Sərgi iki gün davam edəcək.

Paritet.- 2007.-7-9 iyul.- S. 12.