Qssımov B.

Gələcək uğurların astanasında

Dövlət başçısı İlham Əliyevin fərmanı ilə Mədəniyyət Nazirliyinin ləğv edilərək Mədəniyyət və Turizm Nazirliyi yaradılmasından bir il ötür. Onsuz da, nəhəng olan bu təşkilata turizm də birləşəndə, biz incəsənət adamlarını belə bir sual düşündürürdü, hansısa məqamlarda incəsənətimiz kölgədə qalmayacaq? İdman və Gənclər naziri, Əbülfəs Qarayev yeni yaranmış nazirliyə təyin edildi və onun rəhbərliyi ilə yeni əsasnamə və struktur təsdiq olundu. Dövlət sifarişləri ilə tamaşaların hazırlanması, klassik dramaturgiyaya geniş yer verilməsi, kadr siyasətindəki ciddi və dəqiq addımlar, bizdə əminlik yaratdı ki, incəsənətimiz yeni bir dirçəliş mərhələsi yaşayacaq. Əsil həqiqətdə ötən bir il ərzində Azərbaycan Teatr sənəti, ümumilikdə incəsənətimiz hərtərəfli fəaliyyət dövrünə qədəm qoyub.

Teatrlarımızda 40-a yaxın yeni dövlət sifarişi ilə tamaşalar hazırlanıb ki, həmin tamaşalar öz ətrafına 300 min nəfərdən çox tamaşaçı toplayıb.

Yeni yaranmış nazirliyin əməkdaşları, nazir müavinləri və nazirin özünün tamaşalara, teatrlara gəlişi işə daha ciddi və daha inamlı bir münasibət yaratmağa başlayıb. Ciddilik və inam olan yerdə isə həmişə uğur olur.

Ötən bir il incəsənət xadimlərinin şəxsi həyatları üçün də çox uğurlu il olub. Nazirliyin təqdimatı ilə ölkə Prezidenti tərəfindən bir sıra teatr xadimlərinə Prezident mükafatları və təqaüdləri, eləcə də fəxri adlar verilib. Bütün bunlar, belə yüksək mərtəbələrə gəlib çatmaq həvəsində olan gənc sənətçilərin də işə münasibətində ciddi dəyişikliyə səbəb olub.

Mən 20 ilə yaxındır ki, quruluşçu rejissor vəzifəsində çalışıram. Bu illər ərzində istər Milli Teatrın səhnəsində, istərsə də digər teatrların səhnələrində quruluş verdiyim tamaşalarda bilik və bacarığımı, günün səhnə tələbatına uyğunlaşdırmağa çalışmışam. Başqa sözlə desək, bu günün səhnə texrıologiyası və texnikasına uyğun olaraq, tamaşaların, bədii əsərlərin səhnə təcəssümünü verməyə çalışırıq. Dünya standartlarına uyğun tamaşaların hazırlanması, sözsüz ki, yeni səhnə təchizatı tələb edir. Bu gün ölkənin əsas teatrlarının təmirə dayandırılması, onların yeni, müasir tələblərə cavab verən avadanlıqlarla təchiz olunması məndə qürur hissi oyadır. Müasir tələblərə cavab verən teatr avadanlıqlarının olması, aktyorların fiziki imkanları ilə yanaşı, həm də dəqiq fiziki fəaliyyət mexanizmini yaradacaqdır. Belə olan halda, biz dünya teatrları ilə sənət mübadiləsi apara bilər, müştərək kommersiya tamaşaları hazırlaya bilərik.

Bizim teatr sənətində dünya teatr səhnələrinə çıxarıla biləcək böyük sənətkarlarımız var. Dövlət belə sənətkarları layiqincə qiymətləndirir, onlara layiq olduqları sənət mükafatlarını verir, təminatları barədə düşünür.

Biz yaradıcı insanlar, adətən, yaradıcılıq işlərimiz müqabilində qonorar alırıq. İndi yeni təşkilatlanma prosesinin gedişində müəlliflərə və digər yaradıcı şəxslərə verilən qonorarın dəyəri, əvvəlkindən on dəfələrlə çoxdur. Onsuz da maddi problemlər içində olan yaradıcı insanlara göstərilən bu qayğı, əsil həqiqətdə böyük xeyirxahlıq və humanistlikdir.

Nazirliyin fəaliyyət proqramı ilə tanış olanda, diqqətimi bir fakt da özünə cəlb etdi: mədəni xidmətin masştab və məzmununda zənginləşmə, incəsənət müəssisələrinin maddi-texniki bazasının möhkəmləndirilməsi deməkdir. Azərbaycan incəsənətinin qayğısına qalıb təəssübünü çəkənlər var. Maddi-texniki bazanın möhkəmləndirilməsi o deməkdir ki, incəsənət müəssisələri hər hansı maddi və mənəvi dəstəklə əhatələnəcəkdir.

Bütün sadaladığım faktlar onu subut edir ki, Azərbaycan incəsənətinin taleyi etibarlı əllərdədir.

Ulu öndərimiz Heydər Əliyev demişdir: "Mədəniyyət hər bir xalqı dünyada tanıtmaq üçün ən dəyərli vasitədir". Bu böyük dəyərin müqabilində mədəniyyətimizə dünya arenasında daha böyük önəm vermək üçün, istedadımızı, ədəbi və tarixi imkanlarımızı göstərmək üçün, məhz bugünki inkişafla işləmək və çalışmaq lazımdır.

Yeni Azərbaycan.- 2007.- 30 yanvar.- S. 8.