Lalə

"Səhnədə yaşanan eşq səhnədə də ölür"

Xalq artisti Nəzakət Teymurova dəb arxasınca qaçmağı sevmir

Dünən Məhəmməd Füzuli, Üzeyir Hacıbəyov musiqisinin nıöcüzəsi olan "Leyli və Məcnun"un bu vəhdətdən doğuluşunun 99 ili tamam oldu. Bəli, düz 99 ildir ki, sevə-sevə tamaşa etdiyimiz "Leyii və Məcnun" müxtəlif xanəndələrin ifasında tamaşaçıların görüşünə gəlir. İlk ifaçısı Hüseynqulu Sarabski olan Leylini sonra Həqiqət Rzayeva, Zeynəb Xanlarova, Sara Qədimova, Rübabə Muradova, Səkinə İsmayılova, Qəndab Quliyeva, Gülyaz Məmmədova, Gülüstan Əliyeva, Aygün Bayramova kimi sənətkarlarımız canlandırıblar. Onlardan biri də Opera və Balet Teatrının solisti Nəzakət Teymurovadır.

"Leylini yaşamaq asan deyil"

- Artıq neçə illərdir ki, səhnəmizdə Leyli obrazını yaradırsınız, Çətin deyil ki?

- Hər bir obrazın özünəməxsus yanaşma fərzı var. Leyli çox məsuliyyətli, qürurlu bir obrazdır. Hər insan o fəlsəfi duyğuları, sevgini dərk etmək qabiliyyətinə malik deyil. Səhnəyə çıxmazdan gərək bütünlüklə həmin obraza daxil olasan, mənimsəyəsən. Leylinin sevgisini içimə vururam, özüm də həmin sevgini yaşayıram ki, səhnəyə Nəzakət kimi deyil, Leyli kimi çıxıb onun hiss həyəcanını, əzabının, yaşam tərzini, sevgi dünyasını tamaşaçılara çatdıra bilim. Bunun üçün isə həmin hissləri əvvəlcə özüm yaşamalıyam və bu hissləri yaşamaq təbii ki, mənim üçün asan deyil.

- Sizcə, müasir dövrdə Azərbaycanda çoxmu Leyli var. Söhbət o dövrün adət-ənənələrindən gedir?

- Təəssüf ki, az da olsa hələ də leylilərimiz yox deyil. Hüququ özündə olmayan, həyat yoldaşı seçimində valideynin sözü ilə oturub durmaq məcburiyyətində qalan qızlarımız var. Onlar xüsusilə rayonda, kənddə böyüyən qızlardır.

- Siz özünüz necə, Leylinin aqibətini yaşamamısımz ki?

- Yox, mən həyat yoldaşımı sevib ailə qurmuşam. Onun Azərbaycan kişisinə məxsus ciddiliyi məni özünə cəlb edib. İndi 7 yaşında qızımız var.

- Nəzakət xanım, sizcə, istəmədiyi klşi ilə yaşayan qadın acizdir, bədbəxtdir, yoxsa fədakardır?

- Məncə, fədakardır və fədakarlığı da onu bədbəxtliyə gətirib çıxarır. Öz balalarının xatirinə ailəsini dağıtmır, özünü fəda edir, qurban verir ki, uşağı qəlbi sınıq insan kimi formalaşmasın. Həm də bədbəxtdir ki, hər gün ömürdən getsə belə, uşağının xatirinə istəmədiyi insanla həyatımı başa vurmaq məcburiyyətindədir. Belələri ailə dağılandan sonra özlərini həyatda təsəvvür edə bilmir, bir növ həyatın dolanbaclarında karıxacaqlarmdan, azacaqlarmdan qorxub hər bir əzaba qatlaşaraq otururlar.

"İdman üslubuna üstünlük verirəm"

- Xanımlarımız üçün maraqlı olardı, gözəl görünmək üçün nə edirsiniz?

- Nə bilim, vallah, gözələmsə, deməli, bu, Allah təalanın verdiyi nemətdir. Tanrı səs verib, sizin kimi tamaşaçılar verib, bir az da gözəllik veribsə, buna görə Allahıma minnətdaram.

- Tanrının verdiyini qoruyub saxlamaq da hər adamın işi deyil.

- Düzdür, səs kimi, gözəlliyi də qorumaq lazımdır. Daim səhnədə olduğum üçün pəhriz saxlayıram. Həm də rollarım elədir ki, gərək kökəlməyim, əks təqdirdə, həmin rollara uyğun gəlmərəm. Üzümün dərisinin gözəlliyi üçün maskalardan hələ ki, istifadə etmirəm, ancaq kremlər vururam. Düşünürəm ki, 35 yaşımdan sonra üzümə maska vura bilərəm. Çəkilişlərə görə tez-tez salonlarda oluram. Görürəm ki, qadınlarımız özlərini, cildlərini saxlamaq üçün min cür maskadan, üsullardan istifadə edirlər. Onların heç olmasa üçdə birini edə bilsəm, yaxşı olar. Vaxt məhdudiyyəti də imkan vermir. Həm də etiraf edim ki, bu cəhətdən çox tənbələm. Makiyajımı, saçımı qaydaya salmağı güclə çatdırıram. Dərimin, xüsusilə səsimin yerində olması üçün yuxu rejimimə də fıkir verməyə çalışıram.

- Dəblə aranız necədir?

- Köhnə fıkirli insan deyiləm. Ancaq dəbin arxasınca da qaçmağı sevmirəm. Özümə yaraşanı getdiyim yerə uyğunlaşıb geyinirəm. Ancaq "dəbdir" deyib mənə yaraşmayan paltarı ömründə qəbul edə bilmərəm. Gündəlik rahat olsun deyə idman üslubuna üstünlük verirəm.

- Ailə və iş bunları bir araya necə gətirirsiniz?

- Anam, qardaşımın uşaqları bizimlə qaldır, kömək edirlər və bu baxımdan heç bir problemim olmur.

Birinci və sonuncu Məcnunun

- Oynadığınız rollar arasında sizə ən yaxın olanı hansıdır?

- Hazırda Opera və Balet Teatrının səhnəsində 7 rol canlandırıram. Səhnə fəaliyyətimdə ilk rolum "Leyli və Məcnun" operasında Leyli olub. 22 yaşımda bu obrazı yaratmışam. Elə ən çox sevdiyim, sevə-sevə oynadığım rol da Leylidir.

- Bu rolu özünüzə, iç dünyanıza daha yaxın hesab edirsiniz, yoxsa...

- Necə deyim, bilmirəm, 7 ay o rolun üzərində işləmişəm. Bəlkə də üzərində çox əziyyət çəkdiyimdən mənim üçün əzizdir.

- Səhnədə yaşanan eşq necə olur?

- Səhnədə yaşanan eşq səhnədə də ölür.

- Nəzakət xanım, ürəyinizdə yaratmaq istədiyiniz hansısa obraz qalıbmı?

- Adətən operaya gələndə səhnəyə kiçik rollarla çıxmağa başlayırlar. Püxtələşəndən sonra axırıncı rol Leyli olur. Hər bir xanəndə qadın da arzusu Leylini oynamaq olur. Mən isə dediyim kimi, səhnəyə Leyliylə çıxmışam. Ona görə də yaratmaq istədiyim, ürəyimdə qalan obraz yoxdur.

525-ci qəzet.- 2007.- 13 yanvar.- S. 32.