Aynur
Bir mahnının izi ilə...
"Sənə də qalmaz" mahnısının
Rusiyada "Erməni rəqsi" adı ilə təqdim olunmasının kökü
ABŞ-a gedib çıxır
Azərbaycan
bəstəkarı Tofiq Quliyevin "Sənə də qalmaz"
mahnısının ORT kanalının "Buzlaq
dövrü" proqramında "Erməni rəqsi" adı
altında təqdim olunmasının kökü ABŞ-a gedib
çıxır. Bunu Azərbaycanın Rusiyadakı
səfıri Polad Bülbüloğlunun apardığı
araşdırmalar göstərib. Səfirliyin
yaydığı məlumatda deyilir ki, Polad Bülbüloğlu
"Sənə də qalmaz" mahnısının
melodiyasının "Erməni rəqsi" adı altında
təqdim edilməsi faktına görə layihənin baş məşqçisi,
əməkdar idman ustası, fiqurlu konkisürmə
üzrə Avropa və dünya çempionu Aleksandr Julinlə
əlaqə saxlayıb və ona etirazını bildirib. A.Julin
bunu xoşagəlməz anlaşılmazlıq adlandıraraq
təəssüfləndiyini söyləyib və deyib ki,
rəqsin melodiyası 1999-cu ildə Amerikada buraxılan diskdən
götürülüb. Səfirliyin məlumatında qeyd
olunur ki, həqiqətən "Ani" diskinin üz
tərəfində erməni bəstəkarı, dirijoru və
ifaçısı Ara Gevorkyanın adı yazılıb. Diskə
yazılmış 10 melodiyadan beşincisi "Arsax"
adlanır. Julinin sözlərinə görə, rəqs üçün
məhz bu melodiyadan istifadə edilib. Diskin üz qapağında
1999-cu ildə ABŞ-ın "Eye Records"
şirkətində buraxıldığı bildirilir. Azərbaycanın
Rusiyadakı səfirliyi hesab edir ki, bu fakt Azərbaycan
Respublikasının rəsmi orqanlarının və Tofıq
Quliyevin varislərinin müəlliflik hüquqlarını pozan
"Eye Records" şirkətinə və diskin prodüserləri
Ara Gevorkyan və Sarkis Berberyana qarşı iddia qaldırmasına
hüquqi əsas verir. Xatırladaq ki, "Sənə də
qalmaz"ın melodiyasının "Erməni rəqsi"
adı altında təqdim olunması faktı sentyabrın
15-də baş verib. Həmin gün Rusiyanın ORT kanalının
"Buzlaq dövrü" proqramında fiquristlər Saşa
Savelyeva və Aleksandr Saxnovskinin ifasında rəqsin musiqi
müşayiəti üçün "Erməni
rəqsi" adı altında "Sənə də
qalmaz" mahnısının melodiyasından istifadə edilib.
Azərbaycanın Rusiyadakı səfirliyi bildirir ki, bu,
Azərbaycan ictimaiyyətində haqlı qəzəb
doğurub və verilişdən dərhal sonra səfirliyə
çoxlu məktub və zənglər daxil olub.
Xalq cəbhəsi.- 2007.- 22 sentyabr.- S. 10.