Azərbaycan Respublikasının Prezidenti İlham Əliyev sentyabrın 28-də Prezident sarayında Türkiyənin
mədəniyyət və
turizm naziri Ərtoğrul Günayın
başçılıq etdiyi
nümayəndə heyətini
qəbul etmişdir.
Dövlətimizin başçısı
Azərbaycanla Türkiyə
arasında ikitərəfli
münasibətlərin bütün
sahələrdə uğurla
inkişaf etdiyini bildirdi. Prezident İlham Əliyev dost və qardaş
Azərbaycan və Türkiyə xalqlarının
qədim tarixi və mədəni köklərə malik olduğunu qeyd edərək mədəniyyət
sahəsində əlaqələrimizin
daha da möhkəmləndirilməsinin
vacibliyini vurğuladı. Turizm sahəsində
Türkiyənin böyük
təcrübəyə malik
olduğunu vurğulayan
dövlətimizin başçısı
Azərbaycanda da zəngin turizm potensialının olduğunu
və bu istiqamətdə mühüm
işlərin görüldüyünü
bildirdi.
Türkiyənin mədəniyyət və turizm naziri Ərtoğrul Günay Türkiyə Cümhuriyyətinin Prezidenti
Abdullah Gülün salamlarını dövlətimizin
başçısına çatdırdı.
O, mədəniyyət və
turizm naziri kimi Azərbaycana ilk dəfə səfər etməsindən
məmnun olduğunu dedi və
Türkiyənin Azərbaycanla bütün
sahələrdə, o
cümlədən mədəniyyət
və turizm sahəsində əməkdaşlığın
daha da genişləndirilməsinə
böyük önəm
verdiyini vurğuladı.
Prezident İlham Əliyev Türkiyə Prezidenti Abdullah Gülün salamlarına görə minnətdarlığını
bildirdi və onun da salamlarını
Türkiyənin dövlət
başçısına çatdırmağı
qonaqdan xahiş etdi.
Azərbaycan.- 2007.- 29 sentyabr.- S.1.