Abşeronda gənc rəssam
Günel Quliyevanın əsərləri nümayiş olunur
Dünən
"Abşeron" Rəsm Qalereyasında həvəskar
rəssam Günel Quliyevanın fərdi sərgisinin
açılışı olub. Sərgidə
gənc rəssamın
40 rəngkarlıq və
qrafika əsəri nümayiş etdirilir. Günel Quliyevanın fərdi sərgisinin əsas təşkilatçıları
Bakı Şəhər
Gənclər və İdman Baş İdarəsi ilə Pedaqoji Universitetin Tələbə Gənclər
Təşkilatıdır.
Gənc rəssam
Günel Quliyeva 1987-ci
ildə Cəbrayıl
rayonunda anadan olub. Qarabağın acı taleyini yaşamış Günel
qaçqınlığın nə olduğunu yaxşı bilir. O əldə etdiyi hər bir nailiyyəti
çox çətinliklə
qazanıb.
Rəssamlığa xüsusi həvəsi olan Günel 600-dən artıq qrafik kompozisiya yaradıb. Son illər daha
çox yağlı boya ilə işləməyə
üstünlük verən
rəssam moda eskizlərini də həvəslə çəkir.
2003-cü ildən müsabiqə
və sərgilərdə
iştirak edən Günel Quliyeva bir çox diploma layiq görülüb.
2006-cı ildə isə ali məktəblər
arasında keçirilən
sərgidə 3-cü yeri
tutub.
"Abşeron"da keçirilən sərgidəki əsərlərin
çoxu rəngkarlıq
nümunələridir, burada
həm mənzərə,
həm natürmort janrında çəkilən
əsərlərə rast
gəlmək olardı.
Sərgiyə gələnlər
gənc rəssamın
həmçinin çoxfiqurlu
kompozisiyalara müraciət etdiyinin də şahidi olurlar. Günelin çəkdiyi əsərlər
mövzu baxımından
da zəngindir. Onun "Bəyaz güldanlar", "Mələk",
"Ruhlar", "Qanlı
illər" əsərləri
tamaşaçıların diqqətini daha çox cəlb edir. Qarabağ mövzusunu "O ellərə
uç", "Qanlı
illər" tablolarında
yaradan Günel öz xəyallar aləmini də unutmayıb. Rəssam "Uzaq sahillər" "Delfinlər" rəsm əsərlərini öz
xəyalının bir
parçası olduğunu
deyir.
Müəllifin maraqlı qrafika əsərlərindən "Göyərçinlər",
"Qış", "Od
gəlini", "Qadın
sevincləri", "Sevgililər"
kompozisiyası daha çox şərq miniatürü üslubunu
xatırladır.
Gənc rəssamın sərgisinin
açılışında Rəssamlar İttifaqının
sədr müavini Ağaəli İbrahimov, Gənclər və İdman Nazirliyinin tələbələrlə iş
sektorunun rəisi Elşən Hüseynov, Pedaqoji Universitetin prorektoru Vüqar Mehrabov, Bakı Şəhər Gənclər
və İdman Baş İdarəsindən
Nəcəf Novruzov iştirak ediblər. Onlar G.Quliyevanın rəsm əsərlərini
maraqla seyr etdiklərini bildirib və ona bir
rəssam kimi gələcək fəaliyyətində
daha böyük uğurlara imza atmasını arzulayıblar.
525-ci qəzet.- 2008.- 4 aprel.- S. 7.