Bakı Uşaq Teatrının
yeni layihəsi
30 Azərbaycan
nağılı diskə
köçürülür
Bakı Uşaq
Teatrı yeni layihəsinin hazırlıqlarına
başlayıb. Teatrın
Azərbaycanda ilk dəfə həyata keçirdiyi nağıl tamaşalar silsiləsindən
birinci nağıl üzərində iş tamamlanmaq üzrədir. Bu günlərdə "Məlikməmmədin nağılı"
adlı tamaşaya təqdimat keçiriləcək.
Bu barədə məlumat verən teatrın rəhbəri İntiqam Soltan layihəni uşaqları nağıllar aləminə
yaxın etmək üçün həyata
keçirdiklərini deyib:
"Bu niyyətdəyik
ki, uşaqlarımız
milli nağıllarını
yaxından bilsinlər,
həm də milli adət-ənənələrdən uzaq
düşməsinlər. Bu
nağıllar təbliğat
yönümündə onlara
yardımçı olacaq".
İ.Soltanın sözlərinə görə,
tamaşaların disk şəklində buraxılması
da nəzərdə tutulub. O bildirdi ki, hazırda "Göyçək Fatma"nın audio diski də hazırlanır.
"Ümumilikdə 30 Azərbaycan
nağılının diskə
salınması planlaşdırılıb.
Audio-nağıl tamaşaların musiqi tərtibatçısı bəstəkar
Vüqar Camalzadə ilə Mahir İbrahim, reyissoru İntiqam Soltan, mətn müəllifi isə Arzu Soltandır".
Kaspi.- 2008.- 23-25 avqust.- S. 16.