Marka sərgisi kecirilib

Tədbirdə Azərbaycanda 1918-2007-ci illər ərzində poçt dövriyyəsində olan bütün markalar nümayis etdirilib

Dünən Bern şəhərində (İsveçrə) Azərbaycan poçtunun beynəlxalq səviyyədə ən böyük tədbirlərindən biri olan «Azərbaycanın poçt markaları: 1918-2007-ci illər» mövzusunda poçt markaları sərgisi keçirilib. Azərbaycan Rabitə və İnformasiya Texnologiyaları Nazirliyindən APA-Economics-ə verilən məlumata görə, sərgi çərçivəsində Azərbaycanda 1918-2007-ci illər ərzində poçt dövriyyəsində olan bütün markalar nümayiş etdirilib. «Azərmarka» şirkəti tərəfindən təşkil olunan sərgi Azərbaycanın dünyada nüfuzunun artması baxımından çox böyük əhəmiyyət kəsb edir.

Tədbirdə Azərbaycanın Rabitə və İnformasiya texnologiyaları nazirinin müavini İltimas Məmmədovun başçılığı altında nümayəndə heyəti iştirak edib. Qeyd edək ki, sərgi Ümumdünya Poçt İttifaqının (ÜPİ) Poçt İstismarı Şurasının sessiyası çərçivəsində keçirilib. Sessiya yanvarın 24-də başlayıb və fevralın 8-dək davam edəcək. Bu sessiya ÜPİ-nin cari ilin avqust ayında keçiriləcək növbəti Nayrobi (Keniya) Konqresindən əvvəl olan son sessiyadır. Sessiyada, əsasən, həmin konqresin hazırlıq məsələləri müzakirə olunacaq.

Mərkəz.- 2008.- 5 fevral.- S. 15.