Rafiqqızı G.

Göygöldə Anaid məbədi dağılmaq üzrədir

Çaykənd kəndindo təxminən XVI əsrə aid edilən Anaid adlı alban məbədində çürümə və daşların tökülməsi müşahidə olunur. Çay daşları və qum qarışığından inşa cdilən tarixi abidədə mismarlardan istifadə olunmayıb. Binada sovet dövründə əsaslı təmir işləri aparılıb və kənd sakinlərinin sayı nəticəsində bina müasir dövrümüzə qədər qorunub saxlanıb. Abidə hazırda baxımsızlıq ucbatından yararsız hala düşsə də, maraqlısı budur ki, daşların üzərində alban hərfləri ilə yazılan sözlər və naxışlar hələ də öz təravətini itirməyib. Lakin ermənilər bu alban məbədini də öz adlarına çıxınaqdan çəkinmirlər.

Göygöl rayon Mədəniyyət və Turizm şöbəsinin müdiri Şərqiyyə Hümb’tova ermənilərin bu iddialarının da uydurmadan başqa bir şey olmadığını bildirdi: "Ermənilər bu ərazilərə sonradan gəlmədirlər. Mütəxəssislərimiz Göygöl ərazisindəki bir çox xristian mənşəli abidələrə baxış keçirən zaman məlum olub ki, onların əksəriyyətinin üzərindəki xaçları və xaç naxışlarını ermənilər sonradan dəyişdirib və özlərinin dininə məxsus formada xaçlar çəkiblər. Bu, ermənilərin həmişəki iyrənc əməllərindəndir".

O ki qaldı Anaid məbədinin bərbad hala düşməsinə, Şərqiyyə Hümbətova rayonda əksər abidələrin təmirə ehtiyacı olduğunu bildirdi. Onun sözlərinə görə, əksər abidələr uzun müddət diqqətdən kənarda qaldığından tədricən bərbad hala düşüb. O, tarixi abidələrin bərpası məqsədilə dövlət proqramının hazırlandığını bildirdi. Bu isə yaxın 2 ildə də məbədin restavrasiya edilməyəcəyi deməkdir. Belə ki, növbəti dövlət proqramı 2009-2013-cü illəri əhatə cdəcək.

Ümumilikdə, Göygöl rayonunda 31 tarixi abidə var. Rayonda son bir neçə ildə dövlət tərəfindən heç bir abidə təmir edilməyib. Ötən il isə lüteran kilsəsi Almaniya hökuməti tərəfindən bərpa olunub.

Ayna.- 2008.- 19 iyul.- S. 19.