Məmmədəova E.
Şəki Azərbaycanın turizm
məskənlərindən birinə çevrilir
Azərbaycanın qədim mədəniyyət
mərkəzlərindən olan Şəki orijinal spesifik xüsusiyyətləri ilə
fərqlənən nadir
bölgədir. Şəhər
özünün dünya
və ölkə əhəmiyyətli zəngin
tarix və memarlıq abidələri,
əlverişli coğrafi
mövqeyi, füsunkar
təbiəti ilə seçilir.
Ölkənin ən iri
muzey şəhərlərindən olan Şəkidə
Azərbaycan milli memarlığının incisi Xan sarayı,
dünya standartlar səviyyəsində bərpa olunmuş
Kiş - Tarixi-Memarlıq Qoruq-Muzeyi, Tarix
Diyarşünaslıq muzeyi, Xalq Tətbiqi Sənət muzeyi,
M.F.Axundovun, R.Əfəndiyevin və S.Rəhmanın ev-muzeyləri,
Dövlət rəsm qalereyası, habelə çoxlu sayda
tarixi və arxeoloji mədəniyyət abidələri vardır.
Burada xalq tətbiqi
sənəti növlərinin
şəbəkə, dulusçuluq,
təkalduz, dabbaqlıq,
misgərlik, bədii tikmə, sərraclıq, zərgərlik, papaqçılıq
və s. geniş yayılmışdır.
Şəki həm də bütün ölkədə şərq
şirniyyatının və
yumorun vətəni hesab olunur.
Şəki şəhərində
turistlərə normal
xidmət göstərilməsi
üçün 8 uyğunlaşdırılmış
mehmanxana mövcuddur. Buradakı yerlərin ümumi sayı 392-dir. Əlavə olaraq şəhər sakinlərinin
mülkiyyətində olan
40 ev vardır ki, orada 198 nəfərə
xidmət göstərilməsi
üçün hər
cür şərait yaradılıb.
Şəkiyə
turistlərin orta illik gəlişi 16850 nəfər
təşkil edir.
Şəki muzeylərin
sayına və həmin mədəniyyət
müəssisələrində mühafizə edilən eksponatların spesifik cəhətlərinə görə
xüsusi çəkiyə
malik bir bölgədir. Məhz bu səbəbdəndir ki, istər respublikamızda, istərsə
də xaricdə şəhərimizə həmişə
böyük maraq var. Son illər
şəhərimizə gələn
qonaqların, o cümlədən əcnəbi
vətəndaşların sayı
böyük sürətlə
artır. Turizmin inkişafı ilə
bağlı qəbul olunmuş Dövlət Proqramının icrası
çərçivəsində yaxın gələcəkdə
Şəkiyə gələn
turistlərin sayının
daha böyük sürətlə artacağı,
2014-cü itldə bu rəqəmin 130 min nəfər təşkil edəcəyi proqnozlaşdırılır. Bütün
bunları nəzərə
alan Mədəniyyət
və Turizm Nazirliyi Şəkidə Turizm və İnformasiya Mərkəzinin
yaradılmasını məqsədəuyğun
hesab etmişdir. Həmin mərkəzin ən yaxın gələcəkdə turizmlə
bağlı bütün
məsələlərin həllində
aparıcı mövqe
tutacağını güman
edirik. Nazirlik atçılıq üzrə
turizm mərkəzinin
də məhz Şəkidə yaradılmasını
zəruri hesab etmişdir. Bütün bunlar Şəkidə turizmin gələcək inkişafı üçün
geniş imkanlar açır.
Məlum olduğu kimi,
bölgəmizə səfərdən sonra Prezident İlham
Əliyev Şəki şəhərinin, Balakən, Qax və
Zaqatala rayonlarının sosial-iqtisadi inkişafının
sürətləndirilməsinə dair əlavə
tədbirlər haqqında sərəncam
imzalamışdır. Sərəncama
əsasən müəyyən
edilmiş tədbirlər
planında Aşağı
Karvansarayın, Şəkixanovların
evinin və "Gələrsən-görərsən"
qalasının bərpa
olunması nəzərdə
tutulmuşdur. Bu isə Şəkinin tarix və mədəniyyət
abidələrinin qorunub
saxlanılmasına xidmət
edir. Abidələrə
yeni həyat verilməsi eyni zamanda qədim Şəkini daha da gözəlləşdirəcək,
turizmin inkişafına
təkan vercək.
Mədəniyyət
və Turizm Nazirliyi və Şəki Şəhər İcra
Hakimiyyyətinin birgə təşəbbüsü ilə
ötən ilin avqust ayının 26-da
şəhərimizdə "İpək bayramı", bu
ilin iyun ayında rayonda xalq sənətkarları bayramı
keçirilmişdir. Sentyabr ayında isə "Qafqaz Albaniyası günü"nün təntənəli şəkildə
qeyd edilməsi nəzərdə tutulmuşdur.
Öz xarakterinə, miqyasına və orijinallağına görə
analoqu olmayan bu tədbirlər həm də beynəlxalq əhəmiyyət
kəsb edir. Həmin tədbirlərin keçirilməsində
başlıca məqsəd
Şəkini, onun qədim mədəniyyətini,
adət-ənənələrini,
etnoqrafiyasını, qədim
xalq sənəti növlərini, o cümlədən Şəkinin
məşhur ipəyinin
beynəlxalq aləmdə
tanıtmaqdan və nəticə etibarilə ölkəmizə daha çox turist cəlb etməkdən ibarətdir.
Hazırda
Şəkidə turizmin gələcək inkişaf
perspektivləri ilə bağlı infrastrukturların
yaradılması prosesi sürətlə davam edir. Bütün bunlar qədim şəhərimizin
yaxın gələcəkdə
Azərbaycanın mühüm
turist mərkəzlərindən
birinə çevriləcəyinə
təminat verir.
Azərbaycan.- 2008.- 5 iyul.- S. 4.