“Oğlanqala”da qazıntı işləri başlayıb

Naxçıvan MR-in ərazisində yerləşən qədim "Oğlanqala" abidəsində arxeoloyi qazıntı işləri ötən həftənin sonundan etibarən başlayıb. Bu barədə məlumat verən AMEA-nın Naxçıvan bölməsinin əməkdaşı, tarix elmləri doktoru Vəli Baxşəliyev bildirib ki, Naxçıvan ərazisində yerləşən qədim abidələri tam öyrənmək məqsədilə ABŞ-ın Corciya Universiteti ilə 3 illik müqavilə bağlanılıb.

V.Baxşəliyev vurğulayıb ki, bu dəfəki qazıntı işlərində ABŞ-dan 10 nəfərlik nümayəndə heyəti iştirak edir. Qazıntı işlərinin maliyyə vəsaitini də adıçəkilən universitet öz öhdəsinə götürüb. Qazıntı ekspedisiyasına rəhbərlik edəcək elmlər doktoru əcnəbi alimlərlə 3 illik müqavilə imzalanmasına baxmayaraq, hələlik birinci il qazıntı aparılması üçün icazə alındığını və qazıntıların avqustun 15-nə kimi davam etdiriləcəyini bildirdi.

Kaspi.- 2008.- 13 iyun.- S. 15.