ABŞ-ın Ohay
şəhərinin (Kaliforniya ştatı) "Ojai Post"
qəzetinin 24 iyun nömrəsində Azərbaycanın
Los-Ancelesdəki baş konsulu Elin Süleymanovun
"Azərbaycan muğamının Ohay
şəhərinə gətirilməsi"
sərlövhəli məqaləsi dərc edilmişdir.
Məqalədə ümummilli lider
Heydər Əliyevin
85 illik yubileyinin qeyd olunması məqsədi ilə ABŞ-da səfərdə
olan Azərbaycan milli musiqi və
rəqs qrupunun Los-Anceles və Ohay şəhərlərində
verdikləri konsertlərindən
söz açılır,
muğamın YUNESKO-nun
Dünya Mədəni
İrsinin şah əsərləri siyahısına salınması
qeyd edilir.
Müəllif Azərbaycanın
birinci xanımı, Heydər Əliyev Fondunun prezidenti Mehriban Əliyevanın YUNESKO-nun xoşməramlı
səfiri olduğunu, bu rütbənin Mehriban xanıma mədəniyyətin təşviqi
sahəsində xidmətlərinə
görə verildiyini yazır.
Məqalədə Ohay
şəhər əhalisinin
musiqi və incəsənətə, xüsusilə
qədim musiqiyə böyük diqqət göstərməsi, muğamın
da bu növ
musiqi olması səbəbindən burada yaxşı dərk edildiyi bildirilir.
Məqalədə, həmçinin bu il müsəlman
Şərqində ilk
demokratik və parlamentli respublikanın - Azərbaycan Xalq Cümhuriyyətinin yaranmasının
90 illik yubileyinin qeyd edildiyi, ABŞ-dan da əvvəl Azərbaycanda
1918-ci ildə qadınlara
səsvermə hüququnun
verildiyi, ölkəmizin
sivilizasiyaların və
mədəniyyətlərin qovşağında yerləşdiyi vurğulanmışdır.
Qeyd olunmuşdur ki, tolerantlıq keyfiyyətlərinin yüksək
olduğu Azərbaycan
böyük və zəngin mədəniyyətə
malikdir.
Azərbaycan.- 2008.- 28 iyun.- S. 7.