Musiqisi respublikanın
xalq artisti Tofiq Bakıxanovun, sözləri Mustafa
İsgəndərzadənindir.
I —
Oğlun əsgər gedir bu gün,
ay ana!
Dur tamaşa eylə onun boyuna!
Aslan balasıdır, sanki, bu cavan
Qartal zəhmi yağır baxışlarından
Nəqarət: Oğlun
əsgər gedir,
Oğlun əsgər gedir,
Oğlun əsgər gedir
Bu gün, ay ana!
Dur tamaşa eylə,
Dur tamaşa eylə,
Oğlun əsgər gedir
Bu gün, ay ana!
Bu gün, ay ana!
-II —
Göz – könül dirəyi, kişi
oğludur.
Namusda – qeyrətdə qoç Koroğludur.
Yağı-yamanların durar
qəsdinə,
Şir kimi atılar düşmən
üstünə.
Nəqarət:
-III —
Bərkə-boşa düşsə,
dözər nər kimi,
Çıxar hər sınaqdan, çıxar ər kimi.
Oğlun qəhrəmandır
bir bax, ay ana!
Uğurlu yol dilə ürəkdən ona.
Nəqarət:
Xalq qəzeti.- 2008.- 26 iyun.- S. 5.