Rəsul G.

 

İstanbulda karikaturçularımızın

əsərləri sərgilənib

 

Türkiyənin İstanbul şəhərindəki Karikatur Muzeyində "Azərbaycan karikaturu dünən və bu gün" mövzusunda sərgi açılıb. Azərbaycan Karikaturçu Rəssamlar Birliyiain İdarə Heyətindən verilən məlumata görə, sərginin keçirilməsində məqsəd 100 ildən artıq tarixi olan Azərbaycan karikaturu, eləcə də bu sahədə çalışan rəssamlanmızın yaradıcılığı ilə türkiyəli karikaturçuları ətraflı tanış etməkdir. İstanbul Böyükşəhər Bələdiyyəsi, Mədəniyyət və Sosial İşlər Dairə Nazirliyi Mədəniyyət Müdirliyinin təşkilatçılığı və Azərbaycan Karikaturçu Rəssamlar Birliyinin köməkliyi ilə keçirilən sərgidə Bayram Hacızadənin "Azərbaycan Karikaturu dünən və bu gün" kitabında toplanmış əsərlər nümayiş etdirilir. Qeyd edək ki, 100 illik bir dövrü əhatə edən həmin kitabda “Molla Nəsrəddin”in ilk karikaturçu rəssamları Oskar Şmerlinq, İosif  Rotter, Əzim Əzimzadədən tutmuş, müasir gənc rəssamların əsərlərinə qədər yüzdən çox karikatur yerləşdirilib. Tədbir çərçivəsində layihənin rəhbəri, Türkiyə karikatur sənətinin ağsaqqalı sayılan Yurdagün Göker "Azərbaycan Karikaturu dünən və bu gün" mövzusunda geniş konfrans da keçirib. Qeyd edək ki, 25 gün davam edəcək sərginin Türkiyənin digər şəhərlərində də keçiriləcəyi gözlənilir. Ölkə xaricində karikatur tariximizdə ilk belə karikatur sərgisinin təşkilindən qürur duyduğunu dilə gətirən Bayram Hacızadə bizimlə söhbətində bu ilin aprel ayında ölkəmizdə keçiriləcək 1-ci Beynəlxalq "Molla Nəsrəddin. Azərbaycan -2008" karikatur müsabiqəsi ilə əlaqədar sərgidə iştirak edə bilməməsindən təəssüfləndiyini dilə gətirdi. Onun sözlərinə görə, bu sərgiyə ölkəmizin Türkiyədəki səfirliyinin əməkdaşları qatılıblar. Son illər beynəlxalq müsabiqə və festivallarda rəssamlarımızın uğurlu iştirakından söz açan həmsöhbətimiz bu gün Azərbaycan karikaturunun artıq dünyanın maraq dairəsində olduğunu dedi. Onun sözlərinə görə, artıq Misir, Belçika, Quzey Kıbrıs Türk Cümhuriyyətində də belə sərgilərin keçirilməsi nəzərdə tutulub.

 

Zaman.- 2008.- 6-7 mart.- S. 13.