Nəsimi rayonunda
mədəniyyət işçiləri ilə
görüş keçirildi
Ölkədə
prezidentliyə namizədlərin seçki
təşviqat-təbliğat kampaniyası davam edir.
Dünən YAP Nəsimi rayon təşkilatında
mədəniyyət və incəsənət
işçiləri ilə görüş keçirildi.
Tədbiri giriş sözü ilə YAP-ın prezidentliyə
namizədi cənab İlham Əliyevin vəkili, deputat
Ülvi Quliyev açaraq xalqımızın tarixi bir kampaniya
ərəfəsində olduğunu qeyd etdi.
O,
vurğuladı ki, ulu öndərimiz Heydər Əliyevin
idarəçilik prinsipinə sadiq qalan cənab İlham
Əliyevin xalqla daima təmasda olması bu siyasi kursun
alternativsizliyini səciyyələndirən
amillərdəndir: "Bu prinsipin İlham Əliyevin siyasi
strategiyasında ön plana çəkilməsi, Onun
xalqına bağlılığından, milli
maraqlarımızı hər şeydən uca tutmasından
xəbər verir. Bütün bunlara ən bariz nümunə
kimi geridə qalan 5 ildə Azərbaycanın iqtisadi, siyasi,
sosial sahədə əldə etdiyi uğurları misal
göstərmək olar". Ü.Quliyev onu da vurğuladı
ki, son illər əldə olunan bu nailiyyətlər, bir daha
onu deməyə əsas verir ki, xalq 15 oktyabr
seçkilərində 2003-cü ildə etdiyi seçimi
edəcək və YAP-ın namizədi İlham Əliyevə
səs verəcək".
Söz
Yeni Azərbaycan Partiyasının prezidentliyə namizədi
cənab İlham Əliyevin vəkili, xalq yazıçı
Anara verildi. O, ölkədə aparılan quruculuq işlərinin
insanlar arasında müsbət münasibətin
yarandığını və öz liderlərinə
inamının bir daha artdığını bildirdi. Xalq
yazıçısı qeyd etdi ki, Azərbaycanın
ictimai-siyasi həyatında mühüm hadisə olan 15 oktyabr
seçkilərində hər bir kəs, böyük ruh
yüksəkliyi ilə iştirak etməli və düzgün
seçim etməlidirlər: "Cənab İlham Əliyevin
prezidentliyi dövründə, bütün sahələrdə
olduğu kimi, incəsənət sahəsinə də
diqqət və qayğı göstərib. Məhz Onun
sayəsində incəsənət ocaqları təmir olunub.
Bir çox sənət adamları fəxri adlara layiq
görülüb. Bütün seçiciləri 15 oktyabr
prezident seçkilərində fəal iştirak etməyə
və alternativsiz lider olan YAP-ın Sədri İlham
Əliyevə səs verməyə
çağırıram."
Görüşdə
çıxış edən xalq artisti, tarzən Ramiz Quliyev
vurğuladı ki, cənab İlham Əliyev hansı
vəzifəni icra etməsindən asılı olmayaraq,
üzərinə götürdüyü bütün
işlərin öhdəsindən bacarıqla gəlib. Çünki
O, ümummilli lider Heydər Əliyevin siyasi kursunun
davamçısıdır: "Prezident İlham Əliyevin
ölkəyə rəhbərlik etdiyi 2003-2008-ci illər
ərzində ölkəmiz yeni-yeni nailiyyətlər
qazandı. Bu uğurlar isə Azərbaycan xalqının
öz Prezidentinə etimadını möhkəmləndirdi.
İlham Əliyevin oktyabrda keçiriləcək prezident
seçkilərində qələbəsi şəksizdir. 15
oktyabrda Azərbaycan xalqı öz iradəsini bir daha
bildirməlidir. Cənab İlham Əliyevin son beş ildə
gördüyü işləri nəzərdən keçirib,
sabahımız üçün düzgün seçim
etməliyik. Azərbaycanı uğurlu gələcəyə
yalnız və yalnız ulu öndər Heydər Əliyevin
siyasi kursunun layiqli davamçısı cənab İlham
Əliyev apara bilər."
Xalq
artisti Teymur Mustafayev çıxış edərək,
2003-cü il prezident seçkilərindən öncə ulu
öndər Heydər Əliyevin xalqa müraciətində
söylədiyi fikirləri xatırlatdı: "Ümummilli
lider cənab İlham Əliyevə özü qədər
inandığını bildirirdi. Son beş ildə görülən
işlər bu inamı bir daha təsdiqlədi. İqtisadi,
siyasi, humanitar və digər sahələrdə olduğu kimi
mədəniyyət sahəsində də uğurlar əldə
olunub. Bu da cənab İlham Əliyevin uğurlu daxili və
xarici siyasətinin nəticəsidir. Gələcəkdə
bizi daha böyük uğurlar, yeni-yeni nailiyyətlər
gözləyir. Azərbaycanın işıqlı
gələcəyi üçün ulu öndər Heydər
Əliyevin siyasi kursunun layiqli davamçısı cənab
İlham Əliyevə səs verək".
Çıxış
edən mədəniyyət işçiləri bir daha qeyd
etdilər ki, Azərbaycanın müstəqilliyini daha da möhkəmləndirmək,
beynəlxalq aləmdə nüfuzunu artırmaq,
yeniləşən, müasirləşən ölkə
imicini təsdiqləmək üçün cənab İlham Əliyevə
səs verək. Onlar vurğuladılar ki, Azərbaycan
növbəti beş ildə də cənab İlham
Əliyevin rəhbərliyi ilə daha böyük uğurlara
imza atacaq. Ona görə də, bütün
mədəniyyət işçilərini, o
cümlədən, bütün xalqımızı
gələcəyimiz naminə cənab İlham Əliyevə
səs verməyə çağırırıq.
Səs.- 2008.- 10 oktyabr.- S. 15.