Almanlar tarımıza heyran olublar
Ramiz Quliyevin çalğısı
alman mətbuatında
Almaniyada nəşr olunan "Stadt Spiegel" qəzeti görkəmli tarzən Ramiz Quliyevi "etnik musiqinin virtuoz ifaçısı"
adlandırıb. R.Quliyevin
rəhbərlik etdiyi
"Odlar yurdu" musiqi kollektivi sentyabrın 18-dən 24-dək Almaniyanın Frankfurt, Köln və Bonn şəhərlərində
konsert proqramları ilə çıxış
edib. Ansamblın solistləri qismində Gülüstan Əliyeva və Fərəməz Gərmruddin (İran) çıxış ediblər.
Ansamblımızın çıxışları
zamanı xalq mahnıları, muğamlar,
həmçinin klassik
bəstəkarlarımızın mahnıları ifa olunub. Hər bir konsert 4 saata
yaxın davam edib. Musiqiçilərimizi
dönə-dönə
səhnəyə çağıran
tamaşaçılar Azərbaycan
musiqisindən feyziyab olduqlarını gizlətməyiblər.
"Odlar yurdu" kollektivi Almaniyada həmçinin böyük
Azərbaycan şairi Məhəmmədhüseyn Şəhriyarın
100 illik yubileyinə həsr olunmuş böyük poeziya axşamı da təşkil edib. Səfər çərçivəsində
R.Quliyev və F.Gərmruddin son albomlarını da təqdim ediblər. Uğurlu çıxışlar
və görüşlər
nəticəsində qrup
üzvləri Almaniyaya
səfər üçün
yeni təklif və dəvətlər alıblar. Konkret olaraq onları Avstriya və Kanadaya dəvət ediblər. Professor Ramiz Quliyev ifaçılıq
sənətimizin metrlərindən
biridir. Bir sıra beynəlxalq festival və müsabiqələrin iştirakçısı
olan tarzən İranda keçirilən
"Fəcr" festivalının
ən yüksək mükafatının sahibidir.
Həfta
içi.- 2008.- 27 sentyabr.- S. 8.