Azərbaycan aşıqlarının V qurultayının Qətnaməsi

 

Məruzə və çıxışların, müzakirələrin, eləcə də müxtəlif məsələlərlə bağlı səsləndirilmiş təkliflərin yekunu olaraq Qurultay qərara alır.

1. Milli mədəniyyətin, tarixi-mənəvi dəyərlərin qorunması və inkişaf etdirilməsi istiqamətində müstəqil Azərbaycan dövlətinin yeritdiyi mədəni siyasəti bəyənilsin. Ümummilli liderimiz Heydər Əliyevin müəyyənləşdirdiyi milli mədəniyyət strategiyasının uğurla həyata keçirilməsində onun ləyaqətli siyasi varisi prezident İlham Əliyevin genişmiqyaslı fəaliyyəti yüksək dəyərləndirilsin. Milli-mənəvi dəyərlərə qayğı və diqqətin yüksəldirilməsi sahəsində Heydər Əliyev Fondunun prezidenti, YUNESKO-nun və İSESKO-nun xoşməramlı səfiri xanım Mehriban Əliyevanın gördüyü işlərin xalqın və sənət adamlarının ürəyindən olduğu qeyd edilsin.

2.  Milli mədəniyyəti təmsil edən digər sahələr kimi aşıq sənətinin qorunması və inkişafi ilə bağlı dövlət qayğısı gücləndirilsin. Uzun onilliklər boyu həm sosial-mədəni status, həm də məişət həyatı səviyyəsində ağır tənəzzülə uğramış aşıq sənəti ölkəmizin mənəvi-mədəni həyatında layiqli səviyyə və mərtəbəyə çatdırılsın.

3.  Azərbaycan xalqının mənəvi qüdrətini təmsil edən unikal bir mədəniyyət hadisəsi kimi aşıq sənətinin YUNESKO-nun Qeyri-maddi İrs siyahısına daxil edilməsi təklifi yüksək dəyərləndirilsin və həmin təqdimata dəstək verilsin. Aşıq sənətinin beynəlxalq miqyasda tanıdılması və təbliği istiqamətində sistemlı, ardıçıl iş aparılsın.

4.  Aşıq sənətinin tədrisi işinin keyfiyyətcə yeniləşdirilməsinə xüsusi diqqət yetirilsin. İbtidai və orta ixtisas musiqı məktəblərində, eləcə də Milli Konservatoriyada aşıq sənəti üzrə ixtisaslar, Dövlət Mədəniyyət və İncəsənət Universitetində aşıq sənəti kafedrası açılsın. Tədris proqramları, dərslikləri hazırlansın. Ustad aşıqların, istedadlı saz ifäçılarının tədris prosesinə cəlb olunması ilə bağlı tədbirlər görülsün. Mədəniyyət və İncəsənət Universitetinin bu sahədəki fəaliyyəti təqdir olunsun və geniş yayılsın.

5.  Aşıqların sosial statusu və maddi vəziyyətinin yaxşılaşdırılması ilə bağlı dövlət qayğısı gücləndirilsin. Onların iş yerləri ilə təmin olunması, adlı təqaüdlərə, fəxri adlara təqdim edilməsi daim diqqət mərkəzində saxlanılsın. "Azərbaycan Respublikasının Xalq Aşığı" fəxri adının təsis olunması təklif edilsin.

6. Aşıqların vahid yaradıcılıq mərkəzi statusunda "Ozan-aşıq Mərkəzi" yaradılsın.

7.  Aşıq sənətinin genişmiqyaslı və dolğun tarixi-mədəni mənzərəsini əks etdirən "Ozan-aşıq ensiklopediyası" yaradılsın. Aşıq ədəbiyyatının nəşri və tədqiqi müasir elmi tələblər səviyyəsinə qaldırılsın.

8. Aşıq sənətinin təbliği işi gücləndirilsin. Kütləvi informasiya vasitələrində ustad aşıqların, saz-söz sənətinin, milli epos mədəniyyətinin işıqlandırılmasına diqqət artırılsın: Bir sıra televiziya kanallarında aşıq sənətinin aşağılanması ilə bağlı komik kadrlara yol verildiyi təəssüf doğuran hal kimi qeyd edilsin. Aşıq yaradıcılığı ilə bağlı kino və telefilmlərin, radio-televiziya verilişlərin hazırlanması işi keyfiyyətcə yeniləşdirilsin. Klassik və müasir ifaçıların, saz havalarının audio və videolentlərə yazılması, CD və DVD-lərin beynəlxalq standartlara uyğun səviyyədə hazırlanması və lisenziya ilə buraxılması, onların ölkə daxilində və beynəlxalq miqyasda təbliği sistemli şəkildə həyata keçirilsin.

9. Aşıqların mədəni-sosial həyatdakı fəaliyyətini və cəmiyyət icərisindəki nüfuzunu gücləndirmək üçün onların konsertlərinin keçirilməsi, dövlət tədbirlərində, bayramlarda çıxış etmələrinə imkan artırılsın. Hər iki ildən bir Bakıda Beynəlxalq Aşıqlar Festivalı təşkil olunsun. Bakıda və ayrı-ayrı aşıq bölgələrində gənc istedadları üzə çıxarmaq üçün hər il aşıq müsabiqələri keçirilsin.

10. Aşıqların yaradıcılıq təşkilatının uzun zaman bəri ağır vəziyyətdə olduğu qeyd edilsin. Bu təşkilatm keyfıyyətcə, məzmunca yeniləşdirilməsi, fəaliyyətinin canlandırılması və möhkəmləndirilməsi üçün əlaqədar təşkilatlarla birlikdə iş aparılsın.

Redaksiva hevəti:

Məhərrəm Qasımlı (sədr), professor - Qəzənfər Paşayev, professor Ədalət Nəsibov, ustad aşıq Aşıq Abbas Musaxanoğlu, Aşıq Gülarə Azaflı.

 

Mədəniyyət.- 2008.- 18 sentyabr.- S. 9.