Bayramova Z.

2007-ci ildən qalan mədəni izlər

Hər ay ən azı bir neçə əlamətdar hadisə ilə xatırlanacaq...

Artıq tarixə qovuşmuş 2007-ci il digər sahələrdə olduğu kimi, mədəni həyatımızda da dərin izlər qoydu. Belə ki, ötən ildə mədəniyyət, incəsənət, ədəbiyyat və elm sahələrnin daha da inkişaf etdirilməsinə dair onlara sərəncam imzalandı. Onlarla sənətkara müxtəlif fəxri adlar, Prezident təqaüdü, Prezident mükafatı verildi. Neçə-neçə yaradıcı insanın mənzil şəraiti yaxşılaşdırıldı. Mədəniyyət sahəsində çalışanların əmək haqqı artırıldı. Yaradıcılıq ittifaqlarının, birliklərinin yerləşdiyi binalar təmir edildi, neçə-neçə yeni mədəniyyət obyektinin, muzeyin açılışı oldu. Görkəmli sənət adamlarının yubileyləri keçirildi...

Bəli, bu barədə istənilən qədər danışmaq, yazmaq olar. Amma biz yalnız bir məqamı vurğulamaqla kifayətlənirik. Ötən il ərzində bu sahə ilə bağlı qəbul edilmiş rəsmi sənədləri və həyata keçirilən tədbirləri xatırladıqca bir daha əmin olursan ki, bu istiqamətdə atılan bütün addımlar bir məqsədə xidmət edib: mənəvi dəyərlərimizi qorumağa, onları müasirliyə qovuşdurmağa və gələcək nəsillərə çatdırmağa.

İndi isə gəlin, 2007-ci ildə yaşamaq hüququ qazanmış və şəxsən ölkə başçısı İlham Əliyevin iştitakı ilə təməli qoyulmuş, yaxud açılış mərasimi keçirilmiş yeni ünvanların bəzilərinə bir də baş çəkək.

Mart - Heydər Əliyev adına saray əsaslı təmir və yenidənqurma işlərilə əlaqədar fəaliyyətini dayandırandan sonra hazırlanmış layihə ilə ölkə başçısı da tanış oldu. Xatırladaq ki, layihəni Türkiyənin "Rim Proje" şirkəti hazırlayıb. "Aqrartikinti" Səhmdar Cəmiyyəti tərəfindən aparılan işlər bu il başa çatdırılacaq.

Mart - Bakıda "20 Yanvar" dairəsində - Tbilisi prospekti ilə Həsənbəy Zərdabi küçəsinin kəsişməsində tikilmiş müxtəlif səviyyəli yol qovşaqlarının açılışı oldu. Xatırladaq ki, buraya 8 dairəli müxtəlif yol qovşağı daxildir. Onu da qeyd edək ki, bütövlükdə həmin yol qovşağının smeta dəyəri 31,5 milyon manat idi.

Dekabr - Dövlət Kukla Teatrı əsaslı təmir və yenidənqurmadan sonra istifadəyə verildi. Tədbirə ölkə başçısı və xanımı da qatıldılar. Yeri gəlmişkən, tikinti şirkətləri burada gördükləri işin keyfiyətinə 20 illik zəmanət veriblər.

Dekabr - Azərbaycan Tarixi Muzeyi əsaslı təmir-bərpa işlərindən sonra yenidən istifadəyə verildi. Tam yeni görkəm almış bu bina 1895-1897-ci illərdə tikilib. Dekabrın 28-də Prezidentin açılışını etdiyi həmin memarlıq abidəsinin gecələr yaxşı görünməsi üçün müasir işıqlandırma sistemi də quraşdırılıb.

Mədəniyyət.- 2008.- 16 yanvar.- S. 3.