Berlin kinofestivalında “Lahıc ritmləri”

Azərbaycanın "Lahıc ritmləri" sənədli filmi 59-cu Berlin kinofestivalının müsabiqə proqramına daxil olub. "Trend Life"ın verdiyi xəbərə görə, kinofestival Berlin istedadlar müsabiqəsi çərçivəsində göstəriləcək. Gənc rejissor Fariz Əhmədovun "Lahıc ritmləri" lenti 128 ən yaxşı film sırasına daxil olub və 3800 kino arasından seçilib.

Film "İmper Qrup" prodüsser mərkəzinin bazasında çəkilib və 2008-ci ildə "Start" tələbə filmləri festivalında "Ən yaxşı sənədli film lenti" nominasiyasında ən yaxşı film elan olunub. Filmin ssenari müəllifi Nərgiz Bağırzadə, operatoru Üzeyir Abbas, prodüsseri isə Nizami Abbasdır. "Lahıc ritmləri" səkkiz dəqiqəlik filmdir və burada Azərbaycanın Lahıc kəndinin həyatından bəhs olunur.

Palitra.- 2009.- 20 yanvar.- S. 13.