"3 teatrın birləşdirilməsi müzakirə olunmalıdır"

 

Bakı Kamera Teatrının rejissoru xəbəri mətbuat səhifələrindən oxuyub

 

Mədəniyyət turizm naziri Əbülfəs Qarayevin Azərbaycan Dövlət Gənc Tamaşaçılar Teatrı, Dövlət Gənclər Teatrı Bakı Kamera Teatrının birləşdirməsi barədə açıqlaması müzakirə mənbəyinə çevrilib. Kamera Teatrının kollektivi hələlik məsələ ilə bağlı onlara müraciət olunmadığını bildirdi. Qeyd edək ki, Bakı Kamera Teatrının kollektivi hazırda məşqlərini Əbilov adına Mədəniyyət Evində aparır, tamaşalarını isə A.M.Şərifzadə adına Aktyor Evinin tamaşa zalında nümayiş etdirir. Teatrın baş reyissoru Cənnət Səlimova bildirdi ki, Mədəniyyət Turizm Nazirliyinin 3 teatrı birləşdirmək qərarı barədə mətbuat səhifələrindən məlumatlanıb. Bu səbəbdən geniş danışa bilməyəcəyini deyən Cənnət xanım teatr kollektivinin nazirlə görüşmək istədiyini bildirdi: "Yəqin ki, məsələnin detalları nazirin bizimlə görüşü zamanı həllini tapar. 3 teatrın birləşdirilməsinin mümkünlüyü mütləq müzakirə olunmalıdır".

Xatırladaq ki, nazir üç teatrın birləşdirilməsi planının Azərbaycan Dövlət Gənc Tamaşaçılar Teatrının əsaslı təmirdə olan binasının təhvilindən sonra həyata keçiriləcəyini bildirib: "Azərbaycanda teatrların yersiz, əziyyətlə, imkansız şəkildə fəaliyyət göstərməsini istəmirik. Ona görə biz üç teatrı birləşdirmək qərarına gəldik. Amaliya Pənahovanın rəhbərlik etdiyi Bələdiyyə Teatrı öz fəaliyyətini davam etdirəcək. Ancaq çox gözəl tamaşalar hazırlayan Bakı Kamera Teatrının yeri yoxdur. Hesab edirik ki, Azərbaycan Dövlət Gənc Tamaşaçılar Teatrının binası hazır olandan sonra Novruz bayramı ərəfəsində yeni formada tamaşaçıların ixtiyarına veriləcək. Elə həmin vaxt Gənclər Teatrı Kamera Teatrının birləşdirilməsi möhkəmləndirilməsi mərhələsinə start verəcəyik. Bu qərar yeni şəraitin yeni yaradıcı mühitin yaradılmasına təkan verəcək".

Ə.Qarayev onu da qeyd edib ki, üç teatr birləşsə , heç bir teatrın kollektivində ixtisar olmayacaq, heç bir reyissor aktyor işsiz qalmayacaq. Nazirin sözlərinə görə, Gəncə şəhərində Gəncə Poeziya Teatrı ilə Gəncə Dövlət Teatrı birləşdirilib hazırda vəhdətləşmiş kollektiv şəklində layihələr həyata keçirilir. Əməkdar incəsənət xadimi, reyissor Bəhram Osmanov isə iki il müddətinə Gəncə Dövlət Teatrına ezam olunub. Nazir onu da qeyd edib ki, paytaxtın bir neçə teatrında studiya da yaradılacaq bununla bağlı hazırlıq işlərinə yaxın müddətdə başlanılacaq. 

 

Kaspi.- 2009.- 24-26 yanvar.- S. 16.