İçəri şəhərin master planı hazırlanır

Əbülfəs Qarayev: Xalça Muzeyi və Muğam Mərkəzinin tikintisi 2008-ci ilə kimi başa çatacaq

Mədəniyyət və turizm naziri Əbülfəs Qarayev Yeni Azərbaycan Partiyasının qərargahında mədəniyyət və turizm sahəsində ilin yekunlarına həsr olunan mətbuat konfransi kegirib. Nazir yeni nazirliyin yaradildigi 10 ay erzin-da mədəniyyət sahəsinin inkişafı yönündə atılan addımlar, mədəni və tarixi abidələrin qorunması istiqamətləri, teatrlarda gedən əsaslı təmir işləri və qarşıda duran vəzifələrdən danışıb: "Çox sevindirici haldır ki, 2006-cı ildə Azərbaycan mədəniyyəti və turizm sahəsində bir çox yaddaqalan hadisələr olub. İlk öncə Azərbaycanda keçirilən Rusiya ilinin çox yüksək səviyyədə keçməsi bizim üçün önəmlidir. Bu tədbirin başa gatması münasibəti ilə duran Rusiya Federal Agentliyinin rəhbəri Mixail Şvidko onlara göstərilən diqqətdən çox razı qaldıqlarını bildirib. Mixail Şvidko gələn il ərzində Rusiyada Azərbaycan, Azərbaycanda isə Rusiya mütəmadi mədəniyyət günlərinin keçirilməsini təklif etdi. Hazırda tədbirlərə hazırlaşırıq". Hazırda üç dövlət teatrında əsaslı təmirin aparıldığını bildirən nazir bu addımı da dövlətin mədəniyyətə qayğısı kimi qiymətləndirib. Onun sözlərinə görə, hazırda Azərbaycan Dövlət Akademik Opera və Balet Teatrı, Heydər Əliyev adına Saray və "Nizami" kinoteatrında aparılacaq əsaslı təmir işləri ilə bağlı layihələrin hazırlandığını deyib: "Bu binaların təmiri də bizim üçün çox vacibdir. Çünki bu gün Azərbaycana müasir standartlara cavab verən teatr, kinoteatr, konsert salonları gərəklidir. Biz 2008-ci ilə kimi Xalça Muzeyi və Muğan Mərkəzinin tikintisini yekunlaşdırmağı düşünürük", Ə.Qarayev bildirib ki, Milli Parkın görünüşünün dəyişməsi üçün yeni layihə yaxın zamanlarda nazirliyə təqdim ediləcək. Bundan əlavə, nazir hazırda Dədə Qorduq parkının salınması ilə bağlı Nərimanov rayon icra hakimiyyəti ilə danışıqların getdiyini deyib. Rayon və şəhər kitabxanalarının bərpası və iş sistemindən söz açan nazir qeyd edib ki, bir müddət əvvəl vəzifəsini layiqincə yerinə yetirmədiyi üçün Səlyan mərkəzi kitabxanasının direktoru işindən azad edilib: "Kitabxana sistemində də yeniləşdirmə aparırıq. Bir müddət əvvəl Goranboyda kitabxana və informasiya mərkəzi açdıq. Bu layihəni digər rayonlarda da həyata keçirmək niyyətindəyik. Biz 10 yaxşı işləməyən kitabxana əvəzinə dünya standartlarına cavab verəcək bir kitabxananın fəaliyyətinin lehinəyik və bu yöndə öz işlərimizi davam edirəcəyik". Parklarda kafelərin açılması və restoranların fəaliyyət göstərməsi məsələsinə də toxunan nazir hazırda bununla bağlı üç məhkəmə prosesinin getdiyini bildirib: "Biz hər birimiz anlamalıyıq ki, bu gün parka gedən əhali

ancaq karuseldə firlanmaq və dondurma yeməklə kifayatlənmir. İstirahət anlayışı daha da genişlənib və hamı istirahət etməyə yer axtarır. Ancaq biz nazirlik olaraq qeyri-qanuni yolla fəaliyyət göstərən kafelərin və pis işlərlə məşğul olan yerlərin bağlanmasının lehinəyik". Bu il turizm sahəsində önəmli hadisələrin baş verdiyini bildirən Ə.Qarayev hazırda Azərbaycanın turizmlə bağlı statistikasının təkmillaşdirildiyini deyib. Nazirin sözlərinə görə, bu ilin 6 ayı ərzində 900 minə qədər turist gəlib: "ilin sonuna qədər bu rəqəmin iki dəfə böyük olacağını düşünürük". Ə.Qarayev bildirib ki, turizmə vəsait qoyuluşu hazırda əsasən Azərbaycanın turizm potensialının təbliğatına yönəldilib. "Bu il "SNN" telekanalında Azərbaycanın turizm potensialı ilə bağlı reklam rolikinin numayişinə başlanılıb. Gələn il isə bela bir layihə "Euronews" kanalında həyata keçiriləcək. Hazırda nazirlik həm də Xızı-Dəvəçi bölgəsində yeni turizm zonasının, Lənkəranda isə yeni turizm kompleksinin yaradılması istiqamətində iş aparır. Jurnalistlərin suallarına cavabında isə nazir deyib ki, müğənninin işi oxumaqdan başqa bir şey deyil. Sənətçilər Heydər Əliyev adına Sarayda fonoqram oxumamalıdırlar və biz buna icazə vermirik. Ə.Qarayev sənətçilərin bu işini müsbət qarşılamadığını qeyd edib: "Dövlət Heyder Əliyev adına Sarayda fonoqramla oxumağa icazə vermədiyi halda, onlar necə fonoqram oxuya bilərlər? Mən bunu başa düşə bilmirəm. Biz cəmi iki-üç dəfə minisofka üzərində ifaya icazə vermişik. Ancaq fikrimcə, bununla bağlı başqa hal olmayıb. Qaldı ki, sənətçilərin fonoqram ifasına, onların oxumaqdan başqa nə peşələri var ki? Sənətçilərin hər biri canlı ifaya üstünlük verməlidir". Daha sonra o, bildirib ki, rəhbərlik etdiyi qurumun və Dünya Bankının birgə təşəbbüsü ilə içərişəhərin master planı hazırlanır. Onun sözlərinə görə, master planın gələn ilin fevralında təqdim olunması nəzərdə tutulub: "Bununla yanaşı, hazırda dövlət başçısı İlham Əliyevin sərəncamı ilə Nazirlər Kabineti nəzdində içərişəhərin idarə olunması ücün xüsusi komitənin yaradılması yönündə işlər aparılır. Bu komitə içərişəhərin vəziyyəti ilə məşğul olacaq və bütün işləri həyata keçirəcək". Nazir qeyd edib ki, bir müddət öncə Azərbaycanda səfərdə olan araşdırıcı missiya tərəfindən Qobustan abidəsi də dünya mədəni irsinə daxil ediləcək: "Biz istəyirik ki, dünya mədəni irsində ancaq Şirvanşahlar və İçərişəhər olmasın. Bu siyahıda artıq Qobustanın da adı olacaq".

Üç nöqtə.- 2006.- 9 dekabr.- S.13.