Xınalıq Dünya Abidələr Fondunun siyahısına daxil edilib

Azərbaycanın Xınalıq kəndi Dünya Abidələr Fondunun nəzarət edilən abidələr siyahısına salınıb. APA-nın xəbərinə görə, bu siyahıda dünyada ən çox təhlükə altında olan 100 abidə yer alıb. Qurumun açıqlamasında bildirilir ki, Xınalıq kəndinə əsas təhlükə iqtisadi inkişaf tempidir: "Xınalıqla Quba arasında yol çəkilməsi bu kəndin təbiətini dəyişib. Əvvəllər təcridolunmuş vəziyyətdə olan kənd indi həm turistlər, həm də kommersiya fəaliyyəti üçün əlçatan bir yerə çevrilib. Bunlar kənd əhalisi üçün yeni gəlir mənbəyi olsa da, Xınalığın unikal xarakterinin pozulacağı ilə bağlı ciddi narahatlıq var". Dünya Abidələr Fondu ümid edir ki, Xınalığın nəzarət siyahısına salınması onun unikallığını saxlamaq şərtilə kəndin xariclə əlaqələrini genişləndirəcək

525-ci qəzet.-2007.-9 iyun.-S.32.