Ağsuda Səməndər Rzayev təntənəsi

 

Martın 27-də – Beynəlxalq Teatr Günündə Ağsu rayonunda respublikanın əməkdar artisti, Dövlət Mükafatı laureatı, Səməndər Rzayevin xatirəsinə həsr olunmuş məclisdə hər kəs kövrəlmişdi, xatirə söyləyənlər , dinləyənlər . Qəlbində el-oba məhəbbəti, dilində Vətən, Azərbaycan kəlməsi bitən S. RzayevinBulaq Dədənin söylədiyiAzərbaycanşeiri ilə başladı məclis. Məclisin əziyyətinə qatlaşan ssenari müəllifi aparıcı, AMEA N.Gəncəvi adına Milli Ədəbiyyat Muzeyinin Aran Regional şöbəsinin müdiri Yaqut Bahadurqızı dilə gəldi: – Baharı çox sevirdi Səməndər. Baharda təbiət çox füsunkar olur axı... Səməndər təbiətin vurğunu idi. Ona görə hər bahar gələndə Bulaq Dədə daha şövqlə salamlayırdı el-obasını. Torpağın oyanmasından, təbiətin canlanmasından elə həvəslə söhbət açardı ki, səsi bulaq kimi qaynayar, sevinci çaylar kimi çağlayıb daşardı... Baharı çox sevirdi Səməndər. Bulaq Dədə demiş, elə ona görə yayın nəfəs təntidən istisini, payızın qəlb üşüdən xəzanını, qışın qan donduran boz sifətini gözləmədən, elə bahardaca, erkən, lap erkəncəmi 41 yaşında əbədiyyətə qovuşdu. Neylək, bu da bir alın yazısı, bu da bir tale. Kimlər gəldi, kimlər keçdi bu dünyadan... S.Rzayev qısa ömründə səhnəmiz, sənətimiz, mədəniyyətimiz üçün çox şey qoyub gedib, apardığı isə el-oba məhəbbəti, tamaşaçı, dinləyici sevgisi, alqışı, bir ki, axirət rəhməti duası... Məclisin təşəbbüskarları Ağsu rayon icra hakimiyyətinin başçısı Ə.Seyidəliyev millət vəkili Ərəstun Cavadov məclis əhlini qonaqları səmimiyyətlə salamladılar, S.Rzayevin sənətinə ehtiram əlaməti olaraq Ağsu şəhərində onun adını daşıyan mədəniyyət mərkəzinə yeni, müasir layihəli bina tikildiyini qeyd etdilər. Məclisin maraqlı cəhətlərindən biri o idi ki, S.Rzayev, şərti olaraq, aparıcı ilə bərabər bu yığıncağıidarə edirdi”. Səhnədə qoyulmuş böyük ekranda onun çəkildiyi filmlərdən kadrlar, oynadığı dram əsərlərindən parçalar, televiziya tamaşalarından fraqmentlər göründükcə tərəf-müqabilləri, sənət dostları səhnəyə qalxırdılar. Respublikamızın tanınmış incəsənət xadimləri, korifey sənətkarları Fuad Poladov, Rasim Balayev, Yaşar Nuri, Firəngiz Mütəllibova, Hacı İsmayılov, Azərpaşa Nemətov, Telman Adgözəlov, İlham Əsgərov başqaları S.Rzayevin bu sənətə gəldiyi ilk gündən, səhnə fəaliyyətindən, insan, dost kimi şəxsi keyfiyyətlərindən, tələbəlik illərindən, çəkilişlər, məşqlər zamanı baş verən məzəli anlardan elə xatirələr söylədilər ki, hamının bir gözü ağlayır, bir gözü gülürdü. Çıxışlar çox səmimi idi. Gəlişigözəl, söz xatirinə, boğazdan yuxarı deyilmirdi. Bu dəfə onlar səhnədə oynamırdılar, özləri idilər. Doğrudan gülür, doğrudan ağlayırdılar. Bu səmimi xatirələrdən tamaşaçılar anladılar ki, S.Rzayev xoşbəxt sənətkar olubdüşmənsiz, mərdimazarsız, qəlbən sevən, aradan 24 il ötməsinə baxmayaraq, ölümünə inanmayan, onu özlərinə böyük bilən sənət, həyat dostları ilə. Məclisdə vaxtaşırı olaraq səsləndirilən lentlər yaddaşlardakı Bulaq Dədə obrazını bir daha təzələdi. Çıxışında bu məsələyə geniş yer verən tanınmış radio jurnalisti İntiqam Mehdizadə qeyd etdi ki, “Bulaqverlişini el arasında daha çox Səməndər Bulağıkimi tanıyır sevirdilər. S.Rzayevin fenomenal səs tembrinə, mətnə yanaşma tərzinə, şirin ifaçılığına görə məhzBulaq”verilişi belə ümumxalq məhəbbəti qazanmışdı. Məclis iştirakçıları həm S.Rzayevin həyat yaradıcılığına həsr olunmuş, Xədicə Murad müəllifi olduğuNağıl dünyamızın nağıl şahzadəsikitabı ilə tanış oldular. Məclisdə musiqiyə yer verildi. Azərbaycan Radiosunun fondundan Bəxtiyar VahabzadəninMuğampoemasından parçalar Səməndər Rzayevin ifasında səsləndikcə muğam ifaçıları Zakir Əliyev, Abgül Mirzəliyev, Nigar Şabanova, Mətanət Əsədova öz çıxışları ilə məclisə gözəl ovqat bəxş etdilər. Bu maraqlı tədbir İctimai televiziya tərəfindən bütünlüklə lentə alındı. Çünki Səməndər sənətinin vurğunları 400 yerlik Ağsu mədəniyyət sarayına sığışa bilməzdi, onun xatirəsinə həsr olunan mərasimi bütün ölkə izləməliydi.

 

 

Nərmin HÜSEYNZADƏ

 

525-ci qəzet.- 2010.- 6 aprel.- S.7.