Dövlət Pantomim Teatrı IV “Etos” Festivalından qayıdıb

Dövlət Pantomim Teatrı Türkiyənin paytaxtı Ankarada IV “Etos” Beynəlxalq Teatr Festivalında iştirak edib. Bu barədə teatrın direktoru Elman Rəfiyevin məlumat verib. Martın 27-dən aprelin 4-dək davam edən festivalda kukla, pantomim, klounada, komediya, faciə janrlarında olan tamaşaların müxtəlif səhnələrdə və küçədə nümayişi keçirilib. Pantomima Teatrı festivalın açılışı günündə “Skripkaçılar”, bağlanışda isə “Muğam-trio” ilə çıxış edib. Elman Rəfiyev “Maska” səhnə əsərini isə iki dəfə – martın 31-i və teatrların xahişi ilə aprelin 3-də təqdim etdiklərini bildirib. Direktorun sözlərinə görə, pantomimçilər ölkə tamaşaçıları qarşısında da çıxış etməyi planlaşdırırlar. Teatrın kollektivi 17-18 apreldə “Mən və mən” tamaşasının premyerasını təqdim edəcək.

SARA

525-ci qəzet.- 2010.- 14 aprel.- S.7.