Dövlət Simfonik Orkestrinin ifaları 3 DVD-də toplanıb
Dirijor Rauf Abdullayevin rəhbərliyi
ilə Üzeyir Hacıbəyov adına
Dövlət Simfonik Orkestrinin ifa etdiyi musiqilərdən ibarət 3 DVD hazırlanıb.
Mədəniyyət və Turizm
Nazirliyinin dəstəyilə
hazırlanan diskdə
Qərbi Avropa, rus və Azərbaycan
klassik musiqiçilərinin
şedevr əsərləri
öz əksini tapıb. C.Verdinin “Rekviyem” əsərini simfonik orkestrlə yanaşı, Gülbacı
İmanovanın başçılığı
ilə Azərbaycan Xor Kapellası, ukraynalı solistlər –
Svetlana Dobronrava (soprano) və
Tatyana Dimonova (metso-soprano), gürcüstanlı
Georgi Maxaradze (tenor) və azərbaycanlı Əkrəm Poladov (bariton) ifa ediblər.
Disklərdən birində
Üzeyir Hacıbəyovun,
Qara Qarayevin, Soltan Hacıbəyovun, Fikrət Əmirovun və o cümlədən,
Sergey Raxmaninovun əsərləri,
Azərbaycan orkestrinin
Bilkend Universitetinin orkestri (Turkiyə) ilə birgə verdiyi Üçüncü
konsertdəki (solist – pianoçu Aleksey Volodin) ifalar da toplanıb.
Digər diskdə dirijor Rauf Abdullayevin
rəhbərliyi ilə
Üzeyir Hacıbəyov
adına Azərbaycan Dövlət Simfonik Orkestrinin ifasında Moris Ravel və Bela Bartokun
əsərləri yer
alıb.
SARA
525-ci qəzet.- 2010.- 14 aprel.- S.7.