“Bahardan bir gün əvvəl” Müasir İncəsənət Mərkəzində

Tanınmış rəssam Yelena Haqverdiyevanın “Bahardan bir gün əvvəl” adlı fərdi yaradıcılıq sərgisi Müasir İncəsənət Mərkəzində təşkil edilib. Sərgidə rəssamın yağlı boya ilə çəkilmiş 40-dan artıq tablosu nümayiş etdirilir. Onların arasında mənzərə və portretlər üstünlük təşkil edir. Mərkəzin başqa zalında isə rəssamın hazırladığı dekorativ kostyumlar təqdim olunur. Xatırladaq ki, Y.Haqverdiyeva 2004-2005-ci illərdə həyat yoldaşı, rəssam Ucal Haqverdiyevlə birgə Bakıdakı Apostol Varfolomey kilsəsinin tərtibatında iştirak edib. Onun əsərləri dünyanın bir çox ölkələrində nümayiş etdirilib, Azərbaycan, Almaniya, Fransa, Rusiya, ABŞ və Böyük Britaniyada şəxsi kolleksiyalarda saxlanılır. Sərgi martın 5-dək davam edəcək.

SARA

525-ci qəzet.- 2010.- 4 mart.- S.7.