Milli Kitabxanada türkoloq Əhməd Zəki Validinin yubileyi qeyd olunub  

 

M.F.Axundov adına Milli Kitabxanada tanınmış türkoloq Əhməd Zəki Validinin 120 illik yubileyinə həsr olunmuş sərgi və beynəlxalq elmi konfrans keçirilib. Milli Kitabxanadan verilən məlumata görə, Mədəniyyət Turizm Nazirliyi, TÜRKSOY AMEA-nın Şərqşünaslıq İnstitutunun birgə təşkilatçılığı ilə keçirilən tədbiri kitabxananın direktoru Kərim Tahirov açaraq Türkiyə, Qazaxıstan, Özbəkistan, Qırğızıstan, Türkmənistan, Başqırdıstan və Krımdan gəlmiş qonaqları konfrans iştirakçılarına təqdim edib.

Mədəniyyət turizm nazirinin müavini, professor Sevda Məmmədəliyeva çıxışında TÜRKSOY-un fəaliyyətini yüksək qiymətləndirib qurumun 2010-cu ili Əhməd Zəki Validi Toğan ili elan etməsini uğurlu addım kimi dəyərləndirib.

Elmi konfransda AMEA-nın Şərqşünaslıq İnstitutunun direktoru, millət vəkili Gövhər BaxşəliyevaProfessor, doktor Əhməd Zəki Validi Toğanın həyat elmi fəaliyyəti”, Türkiyə Milli Kitabxanasının direktoru Tuncel AçarƏhməd Zəki Validi Toğanın həyatı fikir mücadiləsi”, Başqırdıstan Milli Kitabxanasının direktoru Azad İbrahimov “Ə.Z.Validi adına Başqırdıstan Milli Kitabxanası başqırd xalqının mənəvi-mədəni irsinin qoruyucu mərkəzi kimimövzularında məruzələrlə çıxış ediblər.

Məruzə çıxışlarda Ə.Z.Validinin həyatından türkoloq alim kimi əvəzsiz xidmətlərindən ətraflı söz açılıb. OnunTürklərin ümumi tarixinə giriş”, “Oğuz haqqında dastan”, “Quran türklər”, “Tarixi araşdırmalarda metodologiya”, “Müasir Türküstan onun yaxın keçmişi digər əsərləri türkologiya elmi üçün bu gün əhəmiyyətini itirməyən böyük töhfələr kimi dəyərləndirilib.

Tədbir çərçivəsində yubilyara həsr olunmuş kitab sərgisinin açılışı olub. Bir həftə davam edəcək sərgidə yubilyarın əsərləri onun haqqında yazılmış 200-dən artıq kitab nümayiş etdirilir.

 

 

S.MÜRVƏTQIZI 

 

525-ci qəzet.- 2010.- 4 may.- S.7.